Fota: vecteezy
Upieršyniu takoje daśledavańnie było apublikavana ŭ 2021 hodzie. Tady vyśvietliłasia, što hrudnoje małako vakcynavanaj žančyny maje antycieły suprać SARS-CoV-2, virusa-ŭzbudžalnika, jaki vyklivaje karanavirus. Śledam vyjšła novaje daśledavańnie, jakoje było apublikavana 12 studzienia ŭ časopisie «Journal of Perinatology». Navukoŭcy praanalizavali stuł niemaŭlat, jakich karmili hrudnym małakom vakcynavanyja žančyny, i vyjavili ŭ im antycieły suprać SARS-CoV-2.
«Naša pieršaje daśledavańnie pakazała najaŭnaść antycieł da SARS-CoV-2 u hrudnym małace, ale my tady nie mahli skazać, ci pranikajuć hetyja antycieły praz straŭnikava-kišečny trakt niemaŭlat i ci zabiaśpiečvajuć abaronu arhanizma», — skazaŭ Džozef Łarkin III, staršy aŭtar daśledavańnia, a taksama dacent kafiedry mikrabijałohii i kletačnych navuk UF/IFAS.
Choć časta ličycca, što virus, jaki vyklikaje COVID-19, upłyvaje ŭ asnoŭnym na lohkija, jon u tym liku moža pranikać i ŭ kišečnik, tamu, na dumku daśledčykaŭ, vyjaŭleńnie antycieł tam maje vialikaje značeńnie.
«Antycieły, jakija pastupajuć z hrudnym małakom, mohuć zabiaśpiečyć abaronny miechanizm», — kaža doktar Vivijan Valkarse Łuases, stažor postdoktarskaj stypiendyi ŭ halinie nieanatałohii i jašče adzin aŭtar daśledavańnia.
U chodzie daśledavańnia taksama vymiaralisia i testavalisia antycieły, vyjaŭlenyja ŭ płaźmie kryvi i hrudnym małace maci nieŭzabavie paśla vakcynacyi, a zatym dośledy paŭtaralisia znoŭ prykładna praz šeść miesiacaŭ. Daśledčyki vyjavili, što antycieły ŭ płaźmie kryvi i małace vakcynavanych ludziej lepš niejtralizujuć virus, choć jany taksama zaŭvažyli, što ŭzrovień antycieł źniziŭsia praz šeść miesiacaŭ, što było vyjaŭlena i ŭ inšych daśledavańniach vakcyn. Ale ŭsio jašče zastajecca adkrytym pytańnie — ci zmohuć dzieci z hetymi antyciełami paźniej zaražacca karanavirusam.
«Nieviadoma, ci dapamohuć dzieciam hetyja antycieły praz peŭny čas paźbiahać zaražeńnia karanavirusam. Tym nie mienš heta adkryćcio dapaŭniaje śpis daśledavańniaŭ, jakija pakazvajuć, što vakcynacyja suprać COVID-19 padčas ciažarnaści i hrudnoha karmleńnia moža abaranić novanarodžanych, — kažuć daśledčyki. — Ciapier dzieci da šaści miesiacaŭ nie mohuć atrymlivać zvyčajnuju vakcynu, tamu hrudnoje małako moža być adzinym srodkam zabieśpiačeńnia ich imunitetu».
Čytajcie jašče:
Navukoŭcy znajšli raniej nieviadomyja hieny, jakija pakazvajuć, što čałaviek usio jašče evalucyjanuje
AAN: Azonavy słoj Ziamli budzie adnoŭleny ŭ nastupnyja dziesiacihodździ
Navukoŭcy znajšli arhanizm, jaki moža charčavacca tolki virusami
