Fota: vecteezy
Archieołahi raskapali staražytnuju hrabnicu ŭ paŭdniovym jehipieckim horadzie Łuksor, viadomym svaimi skarbami časoŭ faraonaŭ.
Mustafa Vaziry, hienieralny sakratar Viarchoŭnaj rady pa spravach staražytnaści, pieviedamiŭ, što jehipiecka-brytanskaja archieałahičnaja misija znajšła faraonskuju hrabnicu na zachodnim bierazie raki Nił u Łuksory, što za 650 kiłamietraŭ na poŭdzień ad Kaira.
Pa słovach sakratara, pieršapačatkovyja daśledavańni pakazali, što pachavańnie, vierahodna, naležyć 18-j dynastyi faraonaŭ Jehipta, jakaja isnavała z 1550-ha pa 1292-hi hod da n.e.
Hrabnica — apošniaja ŭ šerahu staražytnych znachodak, pra jakija Jehipiet havoryć u apošnija hady. Kraina namahajecca adradzić svoj turystyčny siektar, jaki byŭ asnoŭnaj krynicaj pastupleńnia zamiežnaj valuty. Hety siektar značna zaležyć ad skarbaŭ Staražytnaha Jehipta.
Čytajcie jašče:
Hladzicie, jakuju pravasłaŭnuju carkvu zbudavali na miescy terakta 11 vieraśnia ŭ Ńju-Ërku FOTY
«Kvietka raście ŭ rebrach»: Syndrom Samazvanca vydaŭ ekzistencyjalny albom «Vostraŭ skarhaŭ»
Na ličbavych placoŭkach źjaviłasia admysłovaja viersija alboma N.R.M. «Dom kultury»
