Kolkaść kvater praciahvaje pavialičvacca

Jak adznačajuć analityki rynku nieruchomaści, u śniežni popyt na arendu kvater u Minsku praciahnuŭ padać i dasiahnuŭ čatyrochhadovaha minimumu. Ceny taksama pastupova iduć uniz. Što adbyvajecca? Papracujem ź ličbami.

Kolkaść svabodnych dla zasialeńnia kvater u stalicy praciahvaje pavialičvacca: za ŭvieś śniežań u bazie fihuravała na 1,5 % kvater bolš, čym miesiacam raniej. Pryčym rynak papoŭniŭsia roznymi typami kvater raŭnamierna: adnapakajovaha i trochpakajovaha žylla stała bolš na 2 % u abodvuch vypadkach, dvuchpakajovaha — na 1,4 %.

Pa danych na pačatak studzienia, abjom prapanoŭ na partale realt.by «pieraskočyŭ» 18-tysiačnuju miažu. Heta vielmi vialikaja ličba dla našaha rynku. Naprykład, u 2019—2020 hadach, «załaty čas» dla arendadaŭcaŭ, dla doŭhaterminovaha zdymu žylla było zadziejničana da čatyroch tysiač abjektaŭ žyłoj nieruchomaści. Za dva-try hady abjom prapanoŭ vyras prosta «katastrafična». Situacyja całkam pieraviarnułasia. Siońnia hałoŭnuju partyju hulajuć kvataranty. A jany pakul aktyŭničać na rynku nie śpiašajucca.

Užo tradycyjna ŭ śniežni aktyŭnaść pošuku zdymnaha žylla ŭ Minsku źnižajecca. 2022 hod nie byŭ vyklučeńniem — u paraŭnańni ź listapadam kolkaść pošukavych zapytaŭ «źniać kvateru ŭ stalicy» skaraciłasia na 13 %. Biahučy ŭzrovień popytu na kvatery ŭ arendu źjaŭlajecca minimalnym za apošnija čatyry hady. Pieršyja dni studzienia na rynku nieruchomaści — zaŭsiody čas niavyznačanaściaŭ. Heta datyčycca i zdymnaha žylla.

Arandatary i arendadaŭcy pazirajuć na kursy valut: ci nie papoŭz dalar uvierch i nie pačaŭsia hod ź finansavych siurpryzaŭ? Tamu, jak praviła, u pieršy miesiac hoda mała chto rašajecca na pierajezdy.

Na dumku načalnika adździeła arendy žylla najbujniejšaha ahienctva nieruchomaści stalicy Marharyty Pačyckaj, ciapier na rynku hłybokaje zacišša. Nie tolki pieršyja dni studzienia, a amal uvieś pieršy miesiac novaha hoda dla rynku nieruchomaści — niesiezon. Na popyt upłyvajuć navahodnija śviaty, a ŭłaśniki i arandatary znachodziacca ŭ padviešanym stanie.

Ludzi, na žal, užo navučanyja tym, što ŭ pačatku hoda zaŭsiody niešta ŭ finansavym płanie zdarajecca. Tamu ŭsie čakajuć. A kali ŭ vyniku ŭsio narmalna, to prykładna ŭ druhoj pałovie studzienia pačynajecca nievialikaje ažyŭleńnie. Popyt pačynaje raści. Marharyta Pačyckaja adznačaje, što pry lubym raskładzie aktyŭnaść u zimovy čas nižejšaja, čym viasnoj, letam i vosieńniu. Choć za apošnija hady śpiecyjalisty rynku nieruchomaści pryjšli da vysnovy, što niejkich usploskaŭ u zaležnaści ad siezona ŭžo amal nie adbyvajecca.

Mienavita zimoj nazirajecca pavieličeńnie zvarotaŭ u ahienctva z boku ŭłaśnikaŭ, jakija šukajuć novych žycharoŭ, bo samastojna nie mohuć zdać u arendu kvateru. Chałodny siezon mała spryjaje pierajezdu. Navat kali čałavieka nie zadavalniaje ciapierašniaje miesca žycharstva i košt arendy, usio adno jon čakaje paciapleńnia, kab pierajechać.

Vybar ciapier maksimalny, a ceny — na minimumie

Ekśpierty rynku ŭpeŭnieny, što bolš istotnyja zruchi na rynku arendy žylla buduć u sakaviku. Mienavita tady rynak pačnie ažyvać paśla zimovaj śpiački, ale… Kali chtości advažyŭsia akurat zaraz źmianić kvateru, to čas całkam udały.

Ceny na arendu ciapier adekvatnyja, skačka kursu nie adbyłosia, varyjantaŭ šmat. Užo niama takoha, što ludzi biaruć pieršuju kvateru, tamu što bajacca nie znajści žylla naohuł. Ciapier z vybaram časovaha miesca pražyvańnia možna nie śpiašacca. Lepš pryhledziecca, razhledzieć niekalki varyjantaŭ. Pa słovach pradstaŭnikoŭ arandataraŭ, prapanoŭ na rynku arendy stanovicca bolš pa niekalkich pryčynach. Šmat kvater prapanoŭvajecca z užo «staroha» žyłoha fondu, a da ich pastajanna dadajucca kvatery z novabudoŭlaŭ — toj ža «Minsk Śviet», dzie jość jakraz žyllo dla kvatarantaŭ: małahabarytnyja kvatery, kvatery-studyi, kvatery jeŭrafarmatu».

Adnapakajovyja kvatery ŭžo možna źniać za 160 u. a. i navat za 150

Praŭda, pry aktualnaj canie štomiesiačnaj arendy maleńkich kvater u 150—160 dalaraŭ heta budzie žyllo, dzie ramont nie važny, a raźmiaščacca takaja nieruchomaść budzie dosyć daloka ad mietro. Blizkaść takich nielikvidnych kvater da linii mietro pavialičvaje staŭku arendy da 180 dalaraŭ. U centry horada takija słabieńkija kvatery zdajucca pa 200 dalaraŭ.

Adnapakajovyja kvatery ŭ narmalnym stanie, ale biez mebli, hatovyja zdać kvatarantam za 170 dalaraŭ. Praŭda, budzie takoje žyllo na ŭskrainie horada. Narmalnyja kvatery pobač ź mietro — 190 dalaraŭ, u centry horada — 210 dalaraŭ.

Nievialikija kvatery ź jakasnym ramontam, ale biez mebli, udalečyni ad mietro — 180 dalaraŭ, pobač ź mietro — 210 dalaraŭ, u centry — 230 dalaraŭ.

Adnapakajovyja kvatery z vydatnym ramontam, poŭnym naboram mebli i bytavoj techniki, udalečyni ad mietro zdajucca ŭ studzieni za 200 dalaraŭ. Takoje žyllo pobač ź mietro — 250 dalaraŭ, u centry — 280 dalaraŭ.

Dvuchpakajovyja kvatery pa canie trochi adroźnivajucca ad maleńkaha žylla, ale nie pryncypova. Samyja tannyja apartamienty ŭdalečyni ad mietro zdajucca za 180 dalaraŭ, pobač ź mietro — 200 dalaraŭ, u centry — 220 dalaraŭ. Dvuchpakajovaje žyllo ŭ narmalnym stanie, ale biez mebli, udalečyni ad mietro možna źniać za 200 dalaraŭ. Pobač ź mietro — 220, u centry horada — 250 dalaraŭ.

Takija kvatery z vydatnym ramontam, poŭnym naboram mebli i bytavoj techniki i ŭdalečyni ad mietro — 270 dalaraŭ, kala mietro — 310, u centry horada — 320 dalaraŭ.

U najbližejšy siezon prapanoŭ na rynku nie pamienšycca

Marharyta Pačyckaja ličyć, što čakać taho, što rynak arendy budzie niejak «usychać», nie varta. Minułyja dva hady adznačylisia rekordnym papaŭnieńniem prapanoŭ žylla. Pry hetym mnohija arandatary vyjechali z našaha rehijona, vyzvaliŭšy jašče bolš płoščaŭ. Tamu rynak ciapier na baku arandatara. Vialikaja kolkaść varyjantaŭ, łajalnyja ŭłaśniki, tamu što siarod ich užo skłałasia vialikaja kankurencyja, ličać analityki.

Jany ŭpeŭnieny, što ŭ najbližejšy hod takaja situacyja zachavajecca. Kankurencyja siarod ułaśnikaŭ budzie ŭzmacniacca prosta tamu, što prytoku arandataraŭ čakać niama adkul, a prytok kvater budzie narastać.

Jość jašče adzin niuans — kali možna kazać ab kankurencyi ŭ kvadracie siarod arendadaŭcaŭ za košt uviadzieńnia vialikaj kolkaści kvater u novabudoŭlach i z ramontam. Takija novyja kvatery navat pabudavanyja dla pryvatnaj arendy. Arandatary zaŭsiody addajuć pieravahu novabudoŭlam, tamu što ŭ ich nichto nie žyŭ. Ale tam i cana arendy budzie vyšejšaja.

Praŭda, nie ŭsie arandatary hatovyja zapłacić bolš za novabudoŭlu, dy i nie ŭsie kvataranty hatovyja mirycca z peŭnym dyskamfortam pry pražyvańni ŭ novych rajonach. U novabudoŭlach susiedzi ramont robiać, tam nie zaŭsiody raźvitaja infrastruktura, niedachop parkovak i šmat inšych časovych niazručnaściaŭ. Tamu skazać adnaznačna, što na fonie vychadu novabudoŭlaŭ staryja panelki i chruščoŭki buduć prastojvać, taksama nie zusim dakładna.

Ekśpiert rynku arendy žylla ŭsio ž rekamienduje ŭłaśnikam staroha žyłoha fondu być bolš łajalnymi da arandataraŭ. Kali ŭ haspadara kvatery davoli časta mianiajucca kvataranty, varta zadumacca: moža, pryjšoŭ čas aśviažyć ramont u kvatery albo trochi źnizić košt arendy. Treba pamiatać, što arandataru śpiašacca niama kudy.

Marharyta Pačyckaja pryvodzić prykład žnivieńskaha popytu na arendu žylla ŭ Minsku praz prytok studentaŭ. «Časta ad studentaŭ, jakija samastojna šukajuć kvatery, možna pačuć, što vybaru mała, ułaśniki rajać brać ci ledź nie pieršy varyjant. Dyk voś heta zman. My bačym uvieś rynak, a tamu abjektyŭna aceńvajem situacyju. I kvater ciapier, kažučy prostaj movaj, prosta ćma: ad 150 dalaraŭ i vyšej, na luby hust. Takoj kolkaści prapanoŭ u Minsku nie było, mabyć, nikoli», — zajaŭlaje ekśpiert.

Top-parady kvatarantam-pačatkoŭcam

Jak praviła, na praktycy realna pracujuć pieršyja 3—5 rekamiendacyj. Ale my dadzim usie dziesiać.

Pastajanna šukajcie sajty nieruchomaści. U pieršuju čarhu varta «pałazić» na realt.by, kvartirant.by, onliner.by i kufar.by. Raźmiaścicie abjavu ab pošuku žylla ŭ siabie ŭ sacyjalnych sietkach. Navat kali ŭ vas 300 padpisčykaŭ u Instagram, heta ŭsio roŭna pracuje. Pasprabujcie ŭspomnić parol ad «Adnakłaśnikaŭ» i raźmiaścić post tam. Darečy, adna naša čytačka śćviardžaje: papiarovyja abjavy taksama pracujuć.

Telefanujcie pa starych abjavach. Navat kali kvateru zdali hod tamu, jość šanc, što žychary jakraz ź jaje źjazdžajuć. Možna pytacca ŭ znajomych i adnakurśnikaŭ, ci nie płanujuć jany vyzvalać žyllo.

Trymajcie pry sabie sumu, nieabchodnuju dla apłaty pieršaha miesiaca i ŭniasieńnia zakładu. Dobryja varyjanty raźmiatajuć jak haračyja piražki. Kali jość niejkija niepaładki abo pałomki ŭ kvatery, abaviazkova ŭkazvajcie na heta haspadaram jak maha raniej. Ahledźcie ŭ kvatery ŭsio da taho, jak zajazdžać. Až da paličak u šafie. Źviartajcie ŭvahu na stan nie tolki kvatery, ale i haspadara.

Nie saromiejciesia zadavać pytańni. Daviedajciesia, kolki čałaviek u kvatery prapisana, kab potym nie pryjšłosia apłačvać vielizarnyja rachunki za «kamunałku». Pacikaŭciesia, chto žyvie ŭ susiedstvie.

Składzicie śpis kryteryjaŭ, jakija važnyja dla vas padčas vybaru kvatery: jak dabiracca da vučoby/pracy, płaniroŭka, pavierch. Źviartajcie ŭvahu navat na koleravuju hamu žylla. Kali vam nie vielmi spadabalisia jarka-bardovyja špalery ŭ spalni, to praź miesiac jany pačnuć vas razdražniać. Daviedajciesia, jak apłačvać kamunalnyja pasłuhi. Kab potym nie akazałasia, što vada apłačvajecca asobna.

Źviazvajciesia z haspadarami i jedźcie na prahlad kvatery adrazu ž, jak źjavicca prydatny varyjant. Zdavałasia b, abjavu raźmiaścili tolki siońnia, a achvotnych źniać žyllo za adekvatnyja hrošy — užo cełaja čarha.

Abaviazkova zaklučajcie dahavor. Ale kali vy ŭpuścili hety momant i vas raptam vyrašyli vysielić — rabicie fota kvatery i vašych rečaŭ u joj. Heta stanie dokazam dla padatkovaj, što haspadar zdaje žyllo, ale nie płacić pracent dziaržavie.

Ułaśniku na zamietku

Pavysiŭsia padatak za zdaču žylla ŭ arendu. U nas zaŭsiody ŭ pačatku hoda adbyvajucca finansavyja pieramieny. Dla kahości jany radasnyja, dla kahości — nie vielmi. Naprykład, z pačatku studzienia vyrasła bazavaja vieličynia (ciapier jana roŭnaja 37 rublam), a razam ź joj pamianiałasia i minimalnaja zarpłata. Z novaha hoda źmianilisia niekatoryja staŭki i ŭ padatkovaj śfiery. Mienavita sa studzienia mianiajucca adzin raz na hod staŭki padatkaŭ, jakija nieabchodna płacić ułaśnikam žylla (fizičnym asobam), za toje, što jany zdajuć svaje «mietry» ŭ arendu.

Na Nacyjanalnym pravavym partale dniami apublikavany dakumient № 230-3 ad 30 śniežnia 2022 hoda «Ab źmienie zakonaŭ pa pytańniach padatkaabkładańnia», na jaki zaraz i varta aryjentavacca ŭłaśnikam, jakija zdajuć u arendu svajo žyllo.

Zhodna z hetym dakumientam, sioleta minskim arendadaŭcam treba budzie płacić padatak za kožny pakoj (sadovy domik abo lecišča) 43,90 rubla ŭ miesiac. U abłasnych haradach i Minskim rajonie za arendu adnaho pakoja haspadaram kvatery treba budzie zapłacić 41,20 rubla ŭ miesiac. Padaražańnie stavak adbyłosia prykładna na 7 rubloŭ. Letaś staličnyja ŭłaśniki płacili 36,8 rubla, a ŭładalniki žylla ŭ abłasnych centrach — 34,5 rubla za kožny pakoj, jaki zdajecca. Vychodzić, što hramadzianin, jaki zdaje ŭ Minsku adnapakajovuju kvateru, zapłacić za ceły hod 526,8 rubla, a kali kvatera dvuchpakajovaja, to 1053,6 rubla.

Źmianilisia i staŭki padachodnaha padatku ź fizičnych asob u fiksavanych sumach i ŭ inšych haradach i nasielenych punktach.

Naprykład, u takich haradach, jak Baranavičy, Babrujsk, Barysaŭ, Vaŭkavysk, Horki, Dziaržynsk, Žłobin, Žodzina, Kobryn, Kryčaŭ, Lida, Mazyr, Maładziečna, Navahrudak, Navapołack, Orša, Asipovičy, Pinsk, Połack, Rečyca, Śvietłahorsk, Słonim, Słuck, Smalavičy, Smarhoń, Salihorsk i Fanipal, za kožny žyły pakoj, jaki zdajecca (sadovy domik, daču), nieabchodna budzie zapłacić padatak u pamiery 27 rubloŭ za kožny miesiac zdačy.

Staŭka takoha padatku ŭ inšych haradach abłasnoha, rajonnaha padparadkavańnia i pasiołkach haradskoha typu aceńvajecca ŭ 19,2 rubla. Va ŭsich astatnich nasielenych punktach i terytoryjach takaja padatkovaja staŭka roŭnaja 14 rublam 20 kapiejkam u miesiac.

Pytańnie na zasypku

— Ci maje prava kvatarant pryvodzić u kvateru siabroŭ?

— Zaprašać haściej možna. Adnak žyć u zdymnaj kvatery jany mohuć tolki pry ŭklučeńni ich u dahavor najmu jak členaŭ siamji najmalnika abo zaklučeńni dahavora biazvypłatnaha karystańnia pamiž ułaśnikam i novym žycharom.

Ci abaviazany arandatar paviedamić haspadaru kvatery, što ź im budzie žyć niechta jašče? Naprykład, kali chłopiec zaklučyŭ dahavor, ale da jaho płanuje pierajechać dziaŭčyna.

— Pry piśmovaj zhodzie ŭłaśnika kvatery najmalnik maje prava pasialić u siabie:

— žonku (muža), baćkoŭ i dziaciej;

— rodnych bratoŭ i siaścior, dzieda, babku, unukaŭ;

— inšych svajakoŭ i niepracazdolnych utrymancaŭ, jakija zaklučyli ź im piśmovaje pahadnieńnie ab pryznańni členam siamji.

Dziaŭčyna ž nie źjaŭlajecca členam siamji. U hetym vypadku pavinien być zaklučany dahavor biazvypłatnaha karystańnia. Voś tak.

Клас
3
Панылы сорам
1
Ха-ха
15
Ого
6
Сумна
7
Абуральна
24