Fota: Minsk-Naviny
Pa vynikach 20 dzion śniežnia indeks spažyvieckich cen akazaŭsia na ŭzroŭni 13,2%. Heta značyć, jon źnižajecca. U tym liku pa pryčynie taho, što dziejničaje 713-ja pastanova, ustalavałasia ŭmieranaja dynamika cen u Rasii, umacoŭvajecca biełaruski rubiel i praciahvajecca adnaŭleńnie cen na syravinu na suśvietnych rynkach.
U listapadzie hadavaja inflacyja taksama źnižałasia, jana apuściłasia da 13,3%. I heta byŭ druhi miesiac, kali ŭzrovień cen źnižaŭsia ŭ paraŭnańni z papiarednim. Jak raniej zajaŭlaŭ premjer-ministr Raman Hałoŭčanka, sistema rehulavańnia cen budzie dziejničać datul, pakul inflacyja nie pryjdzie ŭ normu.
Natalla Mielnikava dadała, što situacyja ŭnutry krainy i niaznačnaja dynamika rostu cen u Rasii paŭpłyvali na ŭzajemny tavaraabarot. Pierš za ŭsio ŭ tym sensie, što jon amal całkam ažyćciaŭlajecca praź imparcioraŭ i eksparcioraŭ. Niejkaha masavaha vyvazu biełaruskich tavaraŭ u ramkach «narodnaha» ekspartu, pa słovach pradstaŭnika MARH, nie nazirajecca.
Jość nievialiki rost impartu ŭ Biełaruś spažyvieckich tavaraŭ, ale jon nie taki značny ŭ paraŭnańni z anałahičnym pieryjadam minułaha hoda. Tavary jak pastupali, tak i pastupajuć, masavaha impartu z Rasii ci krain JEAES niama. Pry hetym pa vynikach dzieviaci miesiacaŭ nazirajecca rost prodažu biełaruskich tavaraŭ, asabliva niecharčovych, — bolš za 2%. My rady, što jany karystajucca popytam, pavialičvajecca ich dola na palicach kram.
