Novyja praviły nabyvajuć moc 22 lutaha. Pastanova zaćviardžaje śpis tavaraŭ, jakimi nielha handlavać na rynkach. Pad zabaronu traplajuć ałkoholnyja napoi, bachčavyja kultury ŭ razrezanym vyhladzie pry adsutnaści ŭmoŭ dla apracoŭki invientaru i indyvidualnaj upakoŭki, bijałahična aktyŭnyja dabaŭki da ježy, vialenaje i syravialenaje miasa, siečanyja miasnyja paŭfabrykaty i inšyja pradukty ź miasa damašniaha vyrabu, nie daviedzienyja da kulinarnaj hatoŭnaści, a taksama pradukty, vyrablenyja niepasredna na handlovych miescach.
Taksama na rynkach nielha budzie pradavać cukar, muku, pradukty dziciačaha charčavańnia na małočnaj asnovie, zbornaje niepasteryzavanaje małako, śpiecyjalizavanuju charčovuju pradukcyju dla spartsmienaŭ i šerah inšych tavaraŭ. Z poŭnym śpisam zabaronienych i abmiežavanych dla prodažu na rynkach tavaraŭ možna aznajomicca pa spasyłcy.
Zhodna z novymi praviłami, nie dapuskajecca vykładka ałkaholnych napojaŭ u miescy praviadzieńnia raźlikaŭ z pakupnikami, a taksama na (u) handlovym abstalavańni, niepasredna prylehłym da jaho.
Mahčymaść pakidać ałkahol u prykasavoj zonie zastaniecca ŭ śpiecyjalizavanych kram, mahazinaŭ Duty Free, kram i paviljonaŭ u sielskaj miascovaści, aŭtamahazinaŭ i inšych handlovych punktach, ahulnaja płošča jakich mienšaja za 400 kvadrataŭ.
Taksama ŭ pastanovie znajšłosia miesca dla norm, što rehulujuć vykładku tavaraŭ ź dziaržaŭnymi simvałami Respubliki Biełaruś. Vykładać ich patrabujuć tak, kab vizualna adździalić ad inšych. Aproč hetaha, «patryjatyčnyja» tavary musiać supravadžacca nadpisam — «Dziaržaŭnyja simvały Respubliki Biełaruś».
Šerah źmien datyčyć pryjomki aŭto dla prodažu aŭtakamisami. Paralelna z pryniaćciem hetych pravak, z 22 lutaha nabyvajuć moc novyja praviły kupli-prodažu aŭto. Padrabiaźniej pra ich možna pračytać pa spasyłcy.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Chutka kuplać i pradavać aŭtamabili treba budzie pa novych praviłach. Što źmienicca?
