Hienierał-pałkoŭnik Alaksandr Łapin pryznačany načalnikam Hałoŭnaha štaba suchaputnych vojskaŭ, śćviardžaje RBK sa spasyłkaj na krynicu ŭ Minabarony Rasiei. Aficyjna ab pryznačeńni Łapina na novuju pasadu nie paviedamlałasia. Prychilniki vajny suprać Ukrainy abvinavačvali jaho ŭ vajennych pamyłkach.

Łapin byŭ kamandujučym Centralnaj vajennaj akruhaj Rasii, a padčas ŭvarvańnia va Ukrainu staŭ kamandavać hrupaj «Centr». 4 lipienia prezident Uładzimir Pucin prysvoiŭ jamu zvańnie Hieroja Rasii — za «mužnaść i hieraizm». Rasiejskija ŭłady nie ŭdakładniali, čym mienavita vyznačyŭsia hienierał-pałkoŭnik na vajnie suprać Ukrainy.

Uvosień jahonaje proźvišča pierastała fihuravać u vajskovych zvodkach — tady na pieršy płan vyjšaŭ kamandujučy abjadnanaj hrupoŭkaj rasijskich vojskaŭ Siarhiej Suravikin. A Łapin trapiŭ pad ahoń krytyki z boku hałoŭnych prychilnikaŭ vajny — Ramzana Kadyrava i Jaŭhiena Pryhožyna.

Mienavita na Łapina jany i niekatoryja vajennyja błohiery ŭskładali adkaznaść za niaŭdačy na froncie. Kadyraŭ nazyvaŭ hienierała «biezdaram» i abvinavačvaŭ u adstupleńni ad horada Limana.

Łapin prabyŭ kamandujučym hrupoŭkaj «Centr» da kanca kastryčnika, paśla čaho rasijskija ŚMI paviedamili pra jaho sychod. U listapadzie było aficyjna abvieščana, što na pasadzie kamandujučaha vojskami Centralnaj vajennaj akruhi jaho źmianiŭ hienierał-major Alaksandr Lińkoŭ.

U hienierała i da Ukrainy byŭ vajskovy dośvied-u 2017 hodzie 59-hadovy Łapin byŭ načalnikam štaba hrupoŭki rasijskich vojskaŭ u Siryi, u listapadzie taho ž hoda ŭznačaliŭ kamandavańnie Centralnaj vajskovaj akruhi, a z kastryčnika 2018 hoda da studzienia 2019 hoda kiravaŭ hrupoŭkaj vojskaŭ u Siryi, nahadvaje RBK.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?