U artykule paznačana, što «ahulnaja kolkaść supracoŭnikaŭ KDB Respubliki Biełaruś nie pieravyšaje 10 000 čałaviek». U materyjale zhadvajecca, što na pačatak 2022 hoda kamitet padtrymlivaŭ kantakt z 46 zamiežnymi śpiecsłužbami.

Pryvodzicca i struktura KDB. Pieraličany asnoŭnyja strukturnyja padraździaleńni:

Hałoŭnaje ŭpraŭleńnie kontrraźviedki;

Hałoŭnaje ŭpraŭleńnie źniešniaj raźviedki;

Hałoŭnaje ŭpraŭleńnie pa baraćbie z karupcyjaj i arhzłačynnaściu;

Hałoŭnaje ŭpraŭleńnie pa baraćbie z teraryzmam i ekstremizmam;

Upraŭleńnie mižnarodnaha supracoŭnictva;

terytaryjalnyja padraździaleńni (šeść upraŭleńniaŭ pa abłaściach).

«U prafiesijnym asiarodździ Kamitet dziaržaŭnaj biaśpieki Respubliki Biełaruś maje reputacyju efiektyŭnaha viedamstva, supracoŭniki jakoha paśpiachova spraŭlajucca z pastaŭlenymi zadačami i damahajucca vysokich vynikaŭ u procidziejańni destruktyŭnym pamknieńniam zachodnich dziaržaŭ. U ramkach mižnarodnaha supracoŭnictva biełaruskija čekisty viaduć abmien infarmacyjaj pa prablematycy mižnarodnaha teraryzmu i arhanizavanaj złačynnaści z šyrokim kołam partnioraŭ — ad susiedziaŭ pa SND da ZŠA, Vialikabrytanii i Kitaja. Pryčym zamiežnyja suviazi KDB Respubliki Biełaruś pastajanna pašyrajucca: na pačatak 2022 hoda padtrymlivaŭsia kantakt z 46 zamiežnymi śpiecsłužbami», — havorycca ŭ artykule.

U artykule taksama paviedamlajecca, što SZR RF i KDB naładzili «ciesnuju kaardynacyju» pa takich napramkach, jak «vyjaŭleńnie i spynieńnie padryŭnoj dziejnaści Zachadu, biaśpieka ŭ infarmacyjnaj śfiery i baraćba z hibrydnymi pahrozami». Jašče adzin napramak supracoŭnictva — padrychtoŭka kadraŭ dla biełaruskich śpiecsłužbaŭ u Akademii źniešniaj raźviedki SZR.

Клас
0
Панылы сорам
2
Ха-ха
6
Ого
4
Сумна
1
Абуральна
46