«Kryjon» zasypaŭ pałovu Asanalijeva niezrazumiełym biełym paraškom. Niemahčyma prajści pa vulicy. Nikoli takoha nie bačyła. Jak byccam zavirucha», — padzialiłasia ŭražańniami i fota Maryja.
«Na vulicy Siarova vyjavili vykid niezrazumiełaha rečyva, — dapaŭniaje karcinu Kryścina. — U nas tam znachodzicca futbolnaje pole, kudy my pryvieźli dziaciej na treniroŭku. Ale ŭsio akazałasia pakryta hetym rečyvam, jakoje nahadvała štučny śnieh, a navobmacak — jak suchi piasok. Pryčym płast byŭ niemaleńki.
Śpiecyfičnaha pachu ŭ hetaha paraška nie było, ale vykid byŭ bačny navat ź inšych rajonaŭ: jak byccam niešta hareła. Pakolki my znachodzilisia zusim pobač z zavodam, mietraŭ za 50, heta rečyva traplała ŭ vočy — było baluča. Ščyra kažučy, tryvožna z-za składu i kolkaści hetaha rečyva».
«Učora ŭ 16 hadzin u Kurasoŭščynie byŭ rezki «tuman». Ludzi skardzilisia, što im jak byccam piasku ŭ vočy nasypała. Jak paźniej vyśvietlili susiedzi ŭ MNS, na zavodzie «Kryjon» pravodzilisia ramontnyja raboty. I vykidy nibyta biasškodnyja», — adznačaje Alaksiej, jaki źniaŭ videa.
Na zavodzie «Kryjon» adkazali nastupnaje.
— Heta pierlitavy piasok — pryrodny ciepłaizalacyjny materyjał, jon na sto adsotkaŭ biaśpiečny dla ludziej, žyvioł i raślin, nijakich taksičnych ułaścivaściaŭ jon nie maje. Heta, pa sutnaści, piasok, jaki śpiecyjalna uspušvajuć (jak papkorn) u piečy, kab nadać jamu ciepłaizalacyjnyja ŭłaścivaści.
Jak jon apynuŭsia na vulicy? U nas viaducca ramontnyja raboty, na adnoj z ustanovak učora jakraz pravodziłasia tak zvanaje raśpierličvańnie, i adzin ź miaškoŭ z rečyvam z-za mocnych paryvaŭ vietru raźniesła pa vulicy. Heta całkam dakładna razavaja źjava: supała mnostva roznych faktaraŭ.
Z časam pierlit pierastanie być biełym i stanie niezaŭvažnym — jak zvyčajny piasok. Paŭtarusia, što pieražyvać niama čaho: heta pryrodny materyjał, jaki nie niasie pahrozy zdaroŭju, — patłumačyŭ hałoŭny inžynier pradpryjemstva.
