— Kiroŭca adrazu praihnaravaŭ zakonnaje patrabavańnie ab spynieńni, ale ŭsio ž potym spyniŭsia. Supracoŭniki DAI adrazu vyjavili ŭ jaho vidavočnyja prykmiety ałkaholnaha apjanieńnia, — raspaviali ŭ DAI.
Ad prachodžańnia miedycynskaha ahladu chłopiec admoviŭsia, ale ad adkaznaści heta jaho nie vyratavała. Raźbiralnictvy skončylisia paśla 12-j, i pratakoł byŭ składzieny ŭ 00:20.
Ciapier jamu pahražaje štraf u pamiery 200 bazavych vieličyń i pazbaŭleńnie vadzicielskich pravoŭ terminam na 5 hadoŭ.
Mahčyma, hrodzienski kiroŭca staŭ pieršym u Biełarusi, chto atrymaje taki vialiki štraf. Jak raz u 00:00 1 studzienia 2023 u Biełarusi padniałasia bazavaja vieličynia. Kali 31 śniežnia jana była roŭnaja 32 rublam, to z 1 studzienia ŭžo 37 rubloŭ. Kali b raniej kiroŭcu pahražaŭ štraf da 6 400 rubloŭ, to ciapier 7 400 rubloŭ.
«Pavažanyja kiroŭcy, pamiatajcie što ni śviata, ni jakaja-niebudź biada nie źjaŭlajecca apraŭdańniem, kab sadzicca za rul pjanym», — skazali ŭ DAI.
