Fota: AP Photo / Matthias Schrader
Abnaŭleńnie akazałasia davoli maštabnym — u miesiendžary źjaviŭsia ceły šerah novych mahčymaściaŭ i zručnych funkcyj. Dalej koratka pra ich:
Spojler dla miedyjafajłaŭ. Ciapier fota, videa i inšyja miedyja možna chavać za spojlerami. Prahladzieć fajł možna tolki dakranuŭšysia da jaho.
Ekanomija pamiaci. Pašyrylisia nałady aŭtamatyčnaj ačystki kešu Telegram: ciapier možna vybrać pieryjad vydaleńnia, dadać čaty ŭ vyklučeńni, a sam keš ciapier padzieleny na katehoryi. U abnaŭleńni dla iOS pamier kešu staŭ padličvacca chutčej.
Fotaredaktar. Dadalisia novyja instrumienty dla redahavańnia fatahrafij pierad adpraŭkaj: linii možna zhładzić, ich taŭščynia dynamična mianiajecca ŭ zaležnaści ad chutkaści ruchu palca; źjaviŭsia pendzal dla efiektu razmyćcia, koler možna zadać bolš dakładna; možna mianiać pamier, šryft, fon i vyraŭnoŭvańnie podpisaŭ, a taksama ŭklučać u ich emodzi z animavanych naboraŭ.
Avatarki. Možna pryznačać fatahrafiju kantakta tolki dla siabie i prapanoŭvać avatarki surazmoŭcam. Svoj avatar možna schavać ad usich, dadaŭšy kankretnych karystalnikaŭ u vyklučeńniach; pry hetym možna vybrać inšuju karcinku dla bačnaści ŭsim.
Hrupy. Administratary hrup pamieram bolš za 200 udzielnikaŭ zaraz mohuć schavać ich śpis. Imiony ŭdzielnikaŭ hrupy buduć bačnyja tolki administrataram.
Tajm-kody. Dla karystalnikaŭ Android źjaviłasia mahčymaść dadavać tajm-kody dla aŭdyjazapisaŭ, pry hetym sam zapis dzielicca na błoki.
Animacyi, reakcyi i emodzi. Była dadadziena poŭnaekrannaja animacyja dla niekatorych emodzi, kali adpraŭlać ich asobna biez tekstu. Animacyja bačnaja ŭsim udzielnikam čataŭ. A dla ŭładalnikaŭ Premium źjavilisia 10 novych naboraŭ animavanych emodzi.
