Vyjava: Scientific Reports (Sci Rep)
Daśledavańnie pakazała, što tvary žančyn pačynajuć pašyracca, kali im spaŭniajecca 30 hadoŭ, a na ščokach pačynaje nazapašvacca tłušč. Tłušč na ščokach utvarajecca naturalnym šlacham, jon pakryvaje skuły i raźmiaščajecca pamiž tvaravymi ciahlicami. Vyhlad ža mužčyn niaŭchilna źmianiajecca ciaham usiaho žyćcia.
The Telegraph raspaviadaje, što daśledčyki z Prahi nabrali 456 čałaviek, adskanavali ich tvary i stvaryli «siarednija» tvary za kožnaje dziesiacihodździe žyćcia, adsočvajučy, jak 20 klučavych markieraŭ tvaru źmianialisia z uzrostam. Byli detalova acenienyja ŭzrostavyja źmieny, i kamanda stvaryła madeli dla mužčyn i žančyn va ŭzroście 15, 20, 30, 40, 50, 60, 70 i 80 hadoŭ.
Daśledčyki adsočvali, jak standartny tvar źmianiaŭsia ź ciaham času i ŭ jakich mienavita ŭčastkach. Vyśvietliłasia, što ŭ cełym tvary mužčyn i žančyn źmianiajucca adnolkava, ale ź niekatorymi prykmietnymi vyklučeńniami. Tvary mužčyn, jak praviła, niaŭchilna pašyrajucca na praciahu ŭsiaho žyćcia da 60 hadoŭ, paśla čaho jany pačynajuć źmianšacca. Žanočyja tvary, adnak, nie źmianiajucca z 20 da 30 hadoŭ — i tolki ŭ 30 pačynajuć pašyracca. Heta abumoŭlena, pa słovach navukoŭcaŭ, značnymi źmienami ŭ vobłaści ščok, kali tłušč nazapašvajecca na ščokach i skułach.
Ad 30 da 60 hadoŭ tvary abodvuch połaŭ pavialičvajucca ŭ pamierach i niaznačna pašyrajucca. U adroźnieńnie ad žanočych tvaraŭ, mužčynskija paśla 60 hadoŭ trochi pamianšajucca. Stareńnie paśla tryccaci hadoŭ vyjaŭlajecca nie tolki ŭ pašyreńni tvaru, ale i ŭ abvisańni miakkich tkanak i bolšaj bačnaści skurnych składak.
Vyjava: Scientific Reports (Sci Rep)
Pastupovaje pašyreńnie tvaraŭ mužčyn, jakim ad 20 da 30 hadoŭ, taksama vinavataje ŭ stracie rezkaj linii skivicy, vyśvietlili navukoŭcy. Tak, u bolšaści mužčyn ad 20 da 40 hadoŭ padbarodak byŭ prykmietnym i vystupaŭ, ale z uzrostam jon pamianšaŭsia. Pašyreńnie tvaru i pamianšeńnie vystupu padbarodka aznačaje, što linija skivicy mužčyny z časam pavolna źnikaje. U nastupny pieryjad daśledčyki nie zaŭvažyli jakich-niebudź istotnych adroźnieńniaŭ pamiž pałami ŭ stareńni tvaraŭ.
Kamanda taksama padkreśliła, što paśla 60 hadoŭ miakkija tkanki ŭ «bakavoj vobłaści nižniaj skivicy» pačynajuć pravisać. Bolšaść vymiareńniaŭ tvaru pavialičvajecca z uzrostam, adnak šyrynia i vyšynia vočnaj ščyliny pry hetym značna zvužajecca. Anałahičnym čynam vyšynia rota značna pamianšajecca ź ciaham času va ŭsich praanalizavanych uzrostavych katehoryjach.
