Jak stała viadoma «Fłahštoku» ad krynicy, źviazanaj z Rečyckim rajvykankamam, Vital Pančanka atrymaŭ pasadu namieśnika načalnika adździeła ideałohii Rečyckaha ŭpraŭleńnia technałahičnym transpartam RUP «Biełarusnafta». Infarmacyju ab pryznačeńni paćvierdzili ŭ pryjomnaj upraŭleńnia.
U 2022 hodzie Pančanku źniali z pasady kiraŭnika Rečyckaha rajvykankama. Jak raspavioŭ «Fłahštoku» čałaviek, znajomy ź situacyjaj, eks-staršyniu inkryminavali niastaču śviniej i bujnoj rahataj žyvioły ŭ haspadarkach Rečyckaha rajona.
Spynieńnie ž kryminalnaha pieraśledu Pančanki krynica prakamientavała tak: «Jon niedatykalny i asabista rukapaciskalny ŭ Minsku».
Ciapier, pa słovach krynicy, akład Vitala Pančanki na pasadzie namieśnika ideołaha ŭ transpartnym upraŭleńni «Biełarusnafty» składaje kala 5 000 rubloŭ.
Vital Pančanka byŭ doŭhažycharom siarod staršyniaŭ rajonaŭ Homielskaj vobłaści — jon uznačalvaŭ Rečycki rajon 10 hadoŭ.
Čytajcie taksama:
Niadaŭna zvolnieny staršynia Rečyckaha rajvykankama znachodzicca za kratami
