«Siońnia dyrektar muzieja (kiraŭnik dziaržaŭnaha zapaviednika «Kijeva-Piačerskaja Łaŭra», jaki vałodaje pamiaškańniami łaŭry) paviedamiŭ nam pra toje, što my možam słužyć apošni raz 31 śniežnia, a ŭžo na nastupny dzień my nie majem prava pierachodzić paroh Trapieznaha i Uśpienskaha saboraŭ», — skazaŭ mitrapalit.
Nienazvanaja krynica vydańnia va ŭkrainskaj uładzie paćvierdziła, što paśla zakančeńnia arendy chramaŭ pradstaŭnikoŭ UPC MP mohuć tudy nie puścić. Termin arendy zakančvajecca ŭ śniežni.
Niezadoŭha da hetaha Uładzimir Zialenski zajaviŭ, što va Ukrainie płanujuć zabaranić dziejnaść relihijnych arhanizacyj, źviazanych z Rasijaj. U Viarchoŭnaj radzie znachodzicca zakonaprajekt, jaki praduhledžvaje zabaronu dziejnaści UPC va Ukrainie.
