Fieliks Žylinski asudžany da čatyroch hadoŭ pazbaŭleńnia voli ŭ papraŭčaj kałonii za abrazu Łukašenki, zakliki da supraciŭleńnia razhonam mirnych schodaŭ i supraciŭleńnie aryštu. Akramia taho, jon pa sumnieŭnych padstavach abvinavačany pavodle č. 1 art. 343 KK za vyrab i zachoŭvańnie z metaj raspaŭsiudu vyjavy parnahrafičnaha charaktaru.
Andrej Navakoŭski asudžany da troch hadoŭ pazbaŭleńnia voli ŭ papraŭčaj kałonii za arhanizacyju ci aktyŭny ŭdzieł u hrupavych dziejańniach, jakija hruba parušajuć hramadski paradak, a taksama supraciŭleńnie aryštu za hetyja dziejańni va ŭłasnaj kvatery, što nie pryčyniła surjoznaj škody supracoŭnikam MUS, jakija napadali.
Ciapierašniaja kolkaść ludziej u Biełarusi, aficyjna pryznanych palitźniavolenymi, — 1442. Ale heta tolki aficyjna pryznanych, a na samaj spravie takich ludziej našmat bolš.
