Fota: BiełTA
Hetaja papraŭčaja ŭstanova viadomaja pad nazvaj «Voŭčyja nory» i słavicca žorstkim staŭleńniem da źniavolenych. Na dadzieny momant u PK-22 znachodzicca kala paŭsotni tych, kaho pravaabroncy pryznajuć palitviaźniami, u tym liku paplečniki Ryhora Kastusiova pa Partyi BNF Uładzimir Małachoŭski i Pavieł Juchnievič.
Ryhora Kastusiova zatrymali 12 krasavika 2021 hoda ŭ Škłovie. Suprać jaho była raspačata sprava pavodle artykuła 357 KK «Zmova ci inšyja dziejańni, ździejśnienyja z metaj zachopu dziaržaŭnaj ułady». Pa hetaj spravie, akramia Kastusiova, byli asudžanyja Alaksandr Fiaduta, Juraś Ziankovič, Dzianis Kraŭčuk i Volha Hałubovič. Kastusiovu dali 10 hadoŭ kałonii ŭzmocnienaha režymu.
U źniavoleńni ŭ jaho abvastrylisia prablemy sa zdaroŭjem, vyjavili ankałahičnaje zachvorvańnie.
