Kali vy pasprabujecie zajści na sajt «Novaha Času» ź Biełarusi sa staroj nazvaj novychas.by, vas budzie čakać siurpryz.
Pa-pieršaje, pahladzicie na adras turahiencyi «Novy čas»: Minsk, pr-t Rievolucii d. 58 mah. «Utiužok», 6 etaž (473) 228-69-59. A pa-druhoje, telefonny kod 473 — vierahodnaja zona telefonnych skamieraŭ. Vyhladaje na toje, što niechta choča zarabić, raskručvajučy ludziej na płatnyja zvanki.
Čyja heta zadumka, čamu machlary vybrali mienavita hetaje damiennaje imia, u redakcyi nie viedajuć. Vydańnie prosić čytačoŭ być uvažlivymi i nie vieścisia na prydumki machlaroŭ.
«Faktyčnaje karystańnie damienam pa pryznačeńni nam nie davali rabić z momantu pazasudovaj błakiroŭki 29 kastryčnika 2021 hoda. Paśla hetaha byŭ likvidavany naš zasnavalnik, i my nie mahli lehalna apłočvać damiennaje imia. A ŭ vieraśni skončyŭsia termin rehistracyi. I ciapier niechta vyrašyŭ skarystacca našaj nazvaj», — napisaŭ «Novy čas».
Čytačy «Našaj Nivy» zaŭvažyli, što novaja staronka kapiruje sajt turahienctva «Džejms Kuk», jakoje znachodzicca (ci znachodziłasia, bo sajt niedasiažny) u Varoniežy. Adras i telefonny numar varoniežskija.
