Kišeńnica-hastralorša, jakaja pryjazdžała ŭ Biełaruś z-za miažy, zatrymanaja ŭ stalicy, pra heta raspaviała pradstaŭnik HUUS Minharvykankama Natalla Hanusievič.
Pa jaje słovach, 62-hadovuju zamiežnicu, padazravanuju ŭ ździajśnieńni sieryi kradziažoŭ, zatrymali. Pryčym žančyna sprabavała pakinuć Biełaruś.
Jak było ŭstanoŭlena, ciaham paŭhoda jana čas ad času pryjazdžała ŭ našu krainu i ździajśniała kradziažy.
«Jana prychodziła ŭ staličnyja palikliniki, dzie prykidvałasia pacyjentkaj i, siedziačy ŭ čarzie, krała kašalki inšych naviedvalnikaŭ. Dla kanśpiracyi mianiała źniešnaść, vierchniuju vopratku, nasiła paryki», — raspaviała Hanusievič.
Pry zatrymańni ŭ žančyny znajšli paryk i vykradzienyja joju kašalki.
Viadoma pra 10 kradziažoŭ u Minsku, ciapier vyśviatlajecca jaje dačynieńnie da anałahičnych złačynstvaŭ u inšych rehijonach Biełarusi.
Sama inšaziemka patłumačyła, što kradziažom zajmajecca daŭno. Raniej jana nieadnarazova ździajśniała kradziažy ŭ jeŭrapiejskich krainach i zastavałasia biespakaranaj.
