Na vajskovuju dapamohu Ukrainie ŭ zakonaprajekcie zakładziena 23,5 młrd dalaraŭ, a ahułam na artykuły, źviazanyja z vajnoj va Ukrainie, — navučańnie vajskoŭcaŭ, abstalavańnie (u tym liku ŭzbrajeńni), łahistyku, raźviedvalnuju padtrymku, a taksama papaŭnieńnie amierykanskich zapasaŭ, pieradadzienych Ukrainie — 44,9 młrd dalaraŭ.
Na praciahu hetaha hoda Kanhres užo ŭchvaliŭ pakiety ekanamičnaj i vajennaj dapamohi Ukrainie na sumu prykładna ŭ 67 młrd dalaraŭ.
Pasoł Ukrainy ŭ ZŠA Aksana Markarava apublikavała karotkaje tłumačeńnie, na što mienavita pojduć 45 młrd dalaraŭ.
Takim čynam, uklučany ŭ biudžet Zakon ab dadatkovym zabieśpiačeńni Ukrainy praduhledžvaje:
— 28,4 młrd vajennaj dapamohi,
— 13,37 młrd ekanamičnaj dapamohi,
— 4,92 młrd humanitarnaj dapamohi.
Vajennaja dapamoha ŭklučaje, u pryvatnaści, 9 młrd na zabieśpiačeńnie ŭkrainskaj armii ŭsim nieabchodnym, ad techniki da raźvieddanych, 11,88 młrd na zamiaščeńnie pieradadzienych Ukrainie techniki, zbroi i bojeprypasaŭ va ŭłasnych arsienałach ZŠA, i amal 7 młrd dalaraŭ — na źviazanuju z Ukrainaj pracu jeŭrapiejskaha kamandavańnia vojskaŭ ZŠA.