Tak, z pačatku hoda armianski dram, pavodle danych ahienctva, padniaŭsia bolš čym na 22% u adnosinach da amierykanskaha dalara, staŭšy lidaram rostu siarod suśvietnych valut. Hruzinski łary i tadžykski samoni ŭmacavalisia da dalara bolš čym na 16 i 10% adpaviedna.

Pa infarmacyi Nacyjanalnaha banka Hruzii, abjom hrašovych pieravodaŭ, jakija pastupajuć u krainu z Rasii, u hetym hodzie pavialičyŭsia ŭ piać razoŭ, skłaŭšy bolš čym 60% usich pieravodaŭ i pieravysiŭšy $1,75 młrd. Hrašovyja pieravody ŭ Armieniju za pieršyja dziesiać miesiacaŭ skłali $2,8 młrd, što amal u čatyry razy bolš u paraŭnańni z anałahičnym pieryjadam minułaha hoda. U kastryčniku ich abjom dasiahnuŭ maksimumu z 2004-ha, adznačaje Centralny bank Armienii. U Tadžykistanie patok hrašovych pieravodaŭ pavialičyŭsia nie mienš čym na 50% u pieršym paŭhodździ, paviedamiła śpiecyjalist finansavaj hrupy BKS Natalla Łaŭrova sa spasyłkaj na danyja płaciežnaha bałansu.

Prytok rasijan padšturchnuŭ i rost ekanomik hetych krain. Pa apošnich prahnozach Mižnarodnaha valutnaha fondu, rost VUP Hruzii ŭ hetym hodzie składzie 10%. U kastryčniku MVF prahnazavaŭ jaho na ŭzroŭni 8,8%, a da pačatku vajennych dziejańniaŭ va Ukrainie — 5,9%. U kastryčniku Centralny bank Armienii pavialičyŭ prahnoz rostu VUP na paradak — z 1,6 da 13%. Pa słovach Łaŭrovaj, ekanomika Tadžykistana vyrasła na 7% u hetym hodzie (raniej prahnazavaŭsia rost na ŭzroŭni 4—5%).

Клас
13
Панылы сорам
1
Ха-ха
14
Ого
19
Сумна
0
Абуральна
4