Pra heta paviedamili RIA Naviny ŭ biełaruskim Ministerstvie abarony.

Ministerstva abarony Biełarusi i Rasii ŭ pačatku śniežnia padpisali pratakoł ab uniasieńni źmianieńniaŭ u pahadnieńnie pamiž krainami ab sumiesnym zabieśpiačeńni rehijanalnaj biaśpieki ŭ vajskovaj śfiery ad 19 śniežnia 1997 hoda. Padpisańnie adbyłosia padčas vizitu ŭ Minsk 3 śniežnia ministra abarony Rasii Siarhieja Šajhu, jaki pryjazdžaŭ u Biełaruś na pieramovy ź biełaruskim kaleham Viktaram Chreninym.

«Pratakoł… padpisany ŭ metach udaskanaleńnia narmatyŭnaj pravavoj bazy dvuchbakovaha supracoŭnictva Respubliki Biełaruś i Rasijskaj Fiederacyi ŭ vajskovaj śfiery. Pratakołam udakładniajecca paniacijny aparat, paradak płanavańnia i finansavańnia sumiesnych mierapryjemstvaŭ pa zabieśpiačeńni funkcyjanavańnia rehijanalnaj hrupoŭki vojskaŭ Respubliki Biełaruś i Rasijskaj Fiederacyi», — paviedamili ŭ Minabarony.

U viedamstvie adznačyli, što «pratakoł ustupaje ŭ siłu z daty atrymańnia pa dypłamatyčnych kanałach apošniaha piśmovaha paviedamleńnia ab vykanańni bakami ŭnutrydziaržaŭnych pracedur, nieabchodnych dla jaho ŭstupleńnia ŭ siłu, i aktualny ŭ pieryjad dziejańnia pahadnieńnia».

Клас
0
Панылы сорам
3
Ха-ха
0
Ого
1
Сумна
0
Абуральна
11