Spačatku jaho asudzili da 3 hadoŭ «chatniaj chimii» za «abrazu milicyjanta», a praź niekalki tydniaŭ byŭ razhledžany druhi epizod pa abrazie ŭžo troch supracoŭnikaŭ milicyi. Šlacham sukupnaści złačynstvaŭ i pahłynańnia pakarańnia Juryju pryznačyli 3 hady «chimii». Z 26 sakavika Juryj adbyvaŭ termin ŭ PUAT № 21.
Viadoma, što suprać jaho zaviali ŭžo treciuju kryminalnuju spravu pavodle art. 364 KK (hvałt albo pahroza ŭžyvańnia hvałtu ŭ dačynieńni da supracoŭnika milicyi), art. 369 KK (abraza pradstaŭnika ŭłady) i art. 391 KK (abraza sudździ). Tydzień tamu palitviaźnia pieraviali ŭ SIZA-1. Sud nad im adbudziecca 22 śniežnia ŭ sudzie Centralnaha rajona Minska. Spravu budzie razhladać sudździa Viktoryja Šabunia.
Padtrymajcie jaho pasyłkami, hrašovymi pieravodami i telehramami: SIZA-1. 220030, h. Minsk, vuł. Vaładarskaha, 2, Juryj Michajłavič Paluchovič
