«Siońnia jak nikoli važna zasiarodzicca na adzinaj pramysłovaj palitycy, zamiaščeńni krytyčnaha impartu, zabieśpiačeńni technałahičnaha i infarmacyjnaha suvierenitetu, finansavaj ustojlivaści, — skazaŭ Uładzimir Andrejčanka. — Treba paskoryć stvareńnie pravavoj bazy dla ažyćciaŭleńnia kabatažnych pieravozak pamiž Biełaruśsiu i Rasijaj, hetaje pytańnie vielmi zastarełaje, i, na žal, siońnia nie vyrašana. Śfiera pieravozak, łahistyka — heta, pa sutnaści, kryvianosnaja sistema Sajuznaj ekanomiki».
U halinie pavietranaha transpartu nieabchodna zrabić akcent na vyrašeńni pytańniaŭ prymianieńnia taryfaŭ i zboraŭ za aeranavihacyjnaje i aeraportavaje absłuhoŭvańnie, padkreśliŭ staršynia Pałaty pradstaŭnikoŭ. «Pa-raniejšamu isnuje prablema z pastaŭkami lesamateryjałaŭ z Rasii ŭ Biełaruś, a taksama nastupnym tranzitam praz RF u trecija krainy», — dadaŭ jon.
«U cełym nieabchodna zdymać usie barjery i abmiežavańni, jakija nie dajuć nam u poŭnaj miery zadziejničać resurs intehracyi. Na žal, jak heta ni sumna, ale na siońniašni dzień takija barjery ŭ nas isnujuć», — reziumavaŭ Uładzimir Andrejčanka.
