Na fota Maryi Bartoš — siadziba ŭ 2021 hodzie
Na fota z supołki poshyk.info — siadziba siońnia
U XIX stahodździ Lejba Struhač vałodaŭ vinarobna-draždžavym zavodam, byŭ akcyjanieram Lidskaha pivavarnaha zavoda, ryžskaha akcyjaniernaha tavarystva «Droždžy». Lejba žyŭ u svajoj siadzibie da apošnich dzion, pachavany jon na mohiłkach u Ašmianach. Paśla jaho śmierci ŭ 1906 hodzie spravu baćki praciahnuli syny Abram i David. Pierad Pieršaj suśvietnaj «Tavarystva Ł. Struhača» ŭvachodziła ŭ tryccatku samych paśpiachovych na Biełarusi.
Siadziba ŭjaŭlała saboj dvuchpaviarchovy atynkavany draŭlany dom u styli madern z bałkonami i adkrytaj vierandaj. Dom dapaŭniali ŭnutrany dvor, basiejn, sad, kvietniki, haspadarčyja pabudovy, brama z kałonami, kamienny mur. Byli tut stajnia, śviran, dom dla rabočych, lamus.
Abram i David zahinuli ŭ Druhuju suśvietnuju. Za savieckim časam u ich siadzibie žyli ludzi. Apošnimi žycharami byli siemji nastaŭnikaŭ, bo siadziba naležała miascovamu adździełu adukacyi.
Ciapier u siadziby novy haspadar.
«Tut žyła siastra majoj babuli». Fantastyčnaja historyja pakupki stahadovaj siadziby pad Ašmianami
