Pradstaŭniki Kabinieta Pavieł Łatuška i Alina Koŭšyk sustrelisia ŭ Varšavie ź dziaržsakratarom Ministerstva adukacyi i navuki, paŭnamocnym pradstaŭnikom urada Polščy pa pytańniach raźvićcia i mižnarodnych adnosinaŭ u halinie adukacyi i navuki Tomašam Žymkoŭskim i dyrektarami departamientaŭ Ministerstva adukacyi i navuki Polščy.
«My nadalej budziem pryznavać biełaruskija paśviedčańni i dypłomy. Dla nas pahadnieńnie praciahvaje dziejničać»,
— adkazaŭ Tomaš Žymkoŭski na prapanovu pradstaŭnikoŭ Kabinieta praihnaravać rašeńnie režymu Łukašenki ab skasavańni biełaruska-polskaha pahadnieńnia ab uzajemnym pryznańni dypłomaŭ.
Taksama pradstaŭniki Kabinieta abmierkavali mahčymaść sumiesnaha z polskimi ŭładami rašeńnia, jakoje b zrabiła apastyli ad biełaruskich uładaŭ niepatrebnymi, a adsutnaść siertyfikata CT nie pieraškadžała b pry pastupleńni ŭ Polščy biełaruskim abituryjentam, kali jany nie mohuć jaho atrymać z-za represij ci ź inšych uvažlivych pryčyn.
Damoŭlena, što pry stanoŭčym rašeńni polskich uładaŭ, pradstaŭniki Abjadnaha pierachodnaha kabinieta Biełarusi razam ź Ministerstvam adukacyi i navuki Polščy sumiesna raspracujuć adpaviednyja instrukcyi ŭ hetaj spravie.
Taksama padčas sustrečy byli abmierkavanyja i inšyja važnyja pytańni, jakija datyčacca prablem adukacyi i pracy biełarusaŭ, vymušanych pakinuć radzimu z-za palityčnych represij.
