Uładzimir Bułaŭski
Ranicaj 14 śniežnia ŭ Viciebsku byli zatrymanyja troje asobaŭ, źviazanyja ź dziejnaściu hastrapaba ROK'I PUB. Heta zasnavalniki ŭstanovy Illa Kulman i Pavieł Piatrunin, a taksama niechta Łarkoŭ, imia i pasada jakoha pakul nie viadomyja.
Pavodle mierkavańniaŭ naviednikaŭ paba, adnoj z pryčyn zatrymańnia moh być niadaŭni kancert biełaruskaj śpiavački, jakaja vystupaje pad psieŭdanimam Iva Sativa (sapraŭdnaje imia Jana Smalaha, jana žonka byłoha palitviaźnia Lavona Chałatrana). Ale, mahčyma, kancert byŭ tolki nahodaj dla pravierki dziejnaści ŭstanovy.
Jak vyśvietliłasia paźniej, UDFR raspačaŭ spravu za niaspłatu padatkaŭ.
Vierahodna, što Bułaŭskaha — jak arhanizatara kancertnaj dziejnaści ŭ Viciebsku — taksama zatrymali ŭ miežach hetaj spravy.
Heta ŭžo piataje zatrymańnie Uładzimira z 2020 hoda. Uletku jaho zatrymlivali na 30 sutak.
Čytajcie taksama:
U Viciebsku siońnia ranicaj adbylisia zatrymańni
Čarhovy raz zatrymali viciebskaha muzyku i art-mieniedžara Uładzimira Bułaŭskaha
