Jak paviedamlaje Viarchoŭny sud, z 1 maja 2021 hoda pa 15 vieraśnia 2022 hoda kampanija namajniła kryptavaluty Ethereum i Rvn, atrymaŭšy bolš za 59 tysiač dalaraŭ niezakonnaha prybytku (na momant ździajśnieńnia ździełak pa kursie Nacbanka — bolš za 142,65 tys. rubloŭ). Da kožnaha vidu kryptavaluty byŭ stvorany asobny elektronny kašalok. Srodki, jakija na ich pastupali, paśla pieravodzilisia ŭ najaŭnyja hrošy.
Majninh u Biełarusi nie zabaronieny, ale, kab jaho rabić, treba być rezidentam Parka vysokich technałohij (heta praduhledžana dekretam № 8 «Ab raźvićci ličbavaj ekanomiki»). Toje, što kampanija hetu ŭmovu nie vykanała, vyjaviła padatkovaja.
U vyniku Ekanamičny sud Minska pastanaviŭ spahnać z kiraŭnika arhanizacyi štraf u 50 bazavych vieličyń (1,6 tys. rubloŭ), z kampanii — 200 bazavych (6,4 tys. rubloŭ). Taksama buduć kanfiskavanyja 50% ad sumy prybytku (bolš za 71,3 tys. rubloŭ) i technika koštam bolš za 422,8 tys. rubloŭ.
