Viktar znachodziŭsia da suda pad vartaj, a Iryna — pad zakładam u 8000 rubloŭ. Na sudzie vinu jany pryznali častkova. Z materyjałaŭ spravy stała viadoma, što siamju znajšli pa fota z telefona Viktara.
Jon na sudzie raspavioŭ, što ŭ toj dzień z žonkaj vyrašyli prahulacca i panazirać za tym, što adbyvajecca. Pavodle Viktara, jany sapraŭdy zrabili z žonkaj fotazdymak na prajeznaj častcy na praśpiekcie Niezaležnaści, ale płakat i stužki, ź jakimi jany sfatahrafavalisia, im nie naležać.
Iryna na sudzie nie zmahła raspavieści padrabiaznaściaŭ taho dnia, bo nie pamiataje z pryčyny ich daŭnaści. Ale, jak i muž, jana adznačyła, što ŭ toj dzień łozunhaŭ nie vykrykvała i ŭ dałoni nie plaskała.
U vyniku sudździa Taćciana Šocik pryznačyła pa dva hady «chatniaj chimii» kožnamu. Viktara vyzvalili z-pad varty ŭ zale suda. Hrošy zakładu za Irynu viernuć załohadaŭcu.