Andrej Chadanovič — u centry. Fota: facebook.com/andrej.khadanovich
«Śpiektakl na dźviuch movach, pa-polsku i pa-biełarusku — paviedamlaje Andrej Chadanovič u fejsbuku. — Kampazitar i režysior Rafał Ryterski, aktorka Karalina Staniec, videa-scenahrafija Ola Ołdak. Taksama zajhraju, u roli siabie samoha, pačytaju trochi vieršaŭ i zaśpiavaju trochi piesień. Budzie «Na bierazie Voli» i, zrazumieła, «Navahodniaja paštoŭka».
U asnovie hetaha śpiektakla — radyjośpiektakl, zasnavany na tekstach Andreja Chadanoviča i saŭndtreku, zroblenym Rafałam Ryterskim — kampazitaram, prahramistam, stvaralnikam multymiedyjnych prajektaŭ. Jon pryśviečany biełaruskamu supracivu, palityčnamu patencyjału muzyki i emihranckamu dośviedu.
Prajekt byŭ stvorany ŭ supracoŭnictvie Radio Kapital z haradskim Domam kultury i finansujecca horadam Varšava z fondu ŭstanoŭ kultury.
Śpiektakl adbudziecca 15 śniežnia ŭ 19:00 u teatry Komuna Warszawa (Emilii Plater, 31). Uvachod volny!
