Zdymak ilustracyjny. Fota: BiełTA
U asnoŭnyja dni biełaruskuju abo ruskuju movu (na vybar) buduć zdavać 14 maja.
Zdača druhoha pradmieta pryznačanaja na 21 maja. Na vybar prapanujucca fizika, matematyka, chimija, bijałohija, zamiežnaja mova (anhlijskaja, niamieckaja, ispanskaja, francuzskaja, kitajskaja), historyja Biełarusi, suśvietnaja historyja (najnoŭšy čas), hieahrafija i hramadaznaŭstva.
Praduhledžanyja taksama reziervovyja dni i inšyja terminy dla tych, chto nie zmoh pryniać udzieł u centralizavanym ekzamienie pa ŭvažlivaj pryčynie va ŭstanoŭlenyja daty.
Dla hetaha vyznačanyja daty: 23 maja — biełaruskaja mova, ruskaja mova; 25 maja — pradmiet pa vybary.
Inšyja terminy: u lipieni padčas reziervovych dzion dla centralizavanaha ekzamienu; 21 žniŭnia — biełaruskaja mova abo ruskaja mova; 23 žniŭnia — pradmiet pa vybary.
