Fota: AP Photo / Chris Pizzello
Film z najbolšaj kolkaściu naminacyj — heta «Banšy ź Inišeryna» (The Banshees of Inisherin) irłandskaha režysiora Marcina Makdonacha. Što da sieryjałaŭ, bolš za ŭsio naminacyj u kamiedyjnaj «Pačatkovaj škoły «Ebat», piša hollywoodreporter.com.
Stužka Makdonacha maje vosiem naminacyj, u tym liku «Najlepšy film (kamiedyja ci miuzikł)», a taksama asabistyja naminacyi za scenaryj i režysiorskuju pracu dla Makdonacha. Na druhim miescy karcina «Usio paŭsiul i adrazu» (Everything Everywhere All at Once) z šaściu naminacyjami, dalej iduć «Vaviłon» i «Fabielmany» — pa piać naminacyj.
«Pačatkovaja škoła «Ebat», što ŭžo zhadvałasia vyšej, maje piać naminacyj, u tym liku pretenduje na ŭznaharodu «Najlepšy sieryjał (kamiedyja ci miuzikł)» i «Najlepšaja aktrysa ŭ sieryjale (kamiedyi ci miuzikle)» dla Kuinty Bransan. Najlepšym dramatyčnym filmam nazavuć adnu ź piaci stužak: «Avatar: šlach vady», «Ełvis», «Fabielmany», «Tar» ci «Top Han: Mevieryk». Adznačym i niekatoryja inšyja katehoryi.
- Najlepšaja žanočaja rola ŭ dramatyčnym filmie
- Kiejt Błanšet («Tar»)
- Alivija Kołman («Impieryja śviatła»)
- Vijoła Devis («Žančyna-karol»)
- Ana de Armas («Błandynka»)
- Mišel Uiljams («Fabielmany»)
- Najlepšaja mužčynskaja rola ŭ dramatyčnym filmie
- Ościn Batler («Ełvis»)
- Brendan Frejzier («Kit»)
- Chju Džekman («Syn»)
- Bił Naji («Žyć»)
- Džeremi Poŭp («Pravierka»)
- Najlepšy režysior
- Džejms Kemieran («Avatar: šlach vady»)
- Den Kvan, Denieł Šajniert («Usio paŭsiul i adrazu»)
- Baz Łurman («Ełvis»)
- Marcin Makdonach («Banšy ź Inišeryna»)
- Styvien Śpiłbierh («Fabielmany»)
Taksama na cyrymonii vyznačać najlepšych akcioraŭ u kamiedyjach ci miuzikłach, nazavuć najlepšy multfilm, saŭndtrek, scenar i hetak dalej.
Hałoŭnuju premiju minułaha hoda ŭziała stužka «Ułada psa».
«Try sasny» (Three Pines) — novy detektyŭny sieryjał pra kanadskuju hłybinku
Ukrainskija dakumientałki možna budzie pahladzieć anłajn na kinafeście — za dalar abo naohuł biaspłatna
«Pieryfieryjnyja pryłady» (The Peripheral) — fantastyčny sieryjał ad stvaralnikaŭ «Śvietu Dzikaha Zachadu»
