Aŭtamabil z Bulukom usiaredzinie ŭzarvaŭsia ŭ horadzie Skadoŭsku, kałabarant ciapier znachodzicca ŭ ciažkim stanie ŭ balnicy Simfieropala. Miarkujecca, što spracavała mina skiravanaha dziejańnia.
Pa słovach «ministra achovy zdaroŭja» akupacyjnaj administracyi Chiersonskaj vobłaści, kiroŭca aŭtamabila zahinuŭ na miescy.
Paviedamlajuć, što Vital Buluk — kolišni kamunist, člen miascovaj prarasijskaj partyi «Naš kraj», blizki siabar kiraŭnika akupacyjnaj administracyi Chiersonskaj vobłaści Uładzimira Salda.
Miesiac tamu, 9 listapada, padčas nibyta aŭtamabilnaj katastrofy zahinuŭ inšy namieśnik Salda Kiryła Stremavusaŭ. Uvohule ž u apošnija miesiacy ŭkrainskim śpiecsłužbam udałosia arhanizavać źniščeńnie ci, prynamsi, vyviadzieńnie sa stroju cełaha šerahu vysokapastaŭlenych kałabarantaŭ i pradstaŭnikoŭ akupacyjnaj administracyi na Chiersonščynie.
