Fota: KOSTIANTYN LIBEROV / ASSOCIATED PRESS
Jak rastłumačyŭ Skibicki, raźviedčyki paśla abstrełu pačali znachodzić dahukavyja kryłatyja rakiety Ch-55, jakija byli vyrablenyja ŭ 1970-ja hady dla pieranosu jadziernaj bojehałoŭki. Bojehałoŭka była kanfiskavanaja, a bałast dadali, kab zamaskiravać toje, što jana nie niasie karysnuju nahruzku.
Taksama raźviedčyki vyśvietlili, što hetyja rakiety byli vyrablenyja na ŭkrainskim zavodzie.
Hetuju infarmacyju paćvierdzili ŭ Pientahonie i Brytanskaj vajennaj raźviedcy.
Vadzim Skibicki ličyć, što rakiety, chutčej za ŭsio, byli častkaj zbroi, jakuju Ukraina pieradała Rasii jašče ŭ 1990-ja hady ŭ ramkach mižnarodnaha pahadnieńnia, nakiravanaha na zabieśpiačeńnie suvierenitetu i terytaryjalnaj cełasnaści krainy.
Padčas abstrełaŭ Rasija vykarystoŭvaje ŭkrainskija rakiety jak prynadu, kab prymusić Ukrainu ŭžyć suprać ich SPA. A ŭžo paśla spracoŭvańnia SPA rasijskija bambardziroŭščyki zapuskajuć bolš sučasnyja rakiety z razburalnymi bojehałoŭkami.
U ramkach pahadnieńnia 1990-ch hadoŭ, viadomaha jak Budapiešcki miemarandum, Ukraina admoviłasia ad svajho jadziernaha arsienała —treciaha pa vieličyni ŭ śviecie, atrymanaha ŭ spadčynu paśla raspadu Savieckaha Sajuza, — i pieradała ŭsie jadziernyja bojehałoŭki Rasii ŭ abmien na harantyi biaśpieki.
Taksama byli pieradadzienyja ŭsie balistyčnyja rakiety i stratehičnyja bambardziroŭščyki Tu-160 i Tu-95.
New York Times piša: «Vykarystańnie starych kryłatych rakiet, u tym liku stvoranych va Ukrainie niekalki dziasiatkaŭ hadoŭ tamu, — heta tolki adzin z elemientaŭ składanaha i śmiarotnaha kanfliktu, u jakim razam z bajavymi dziejańniami maje miesca padman».
