Ašraf Chakimi z žonkaj. Fota: Loic Venance / AFP
24-hadovy marakaniec ciapier hulaje ŭ «Pary Sien-Žermen». Jon žanaty z 36-hadovaj akciorkaj Chibaj Abuk, jakaja ličycca adnoj z samych pryhožych žančyn śvietu. U pasłužnym śpisie Chiby niekalki cikavych rolaŭ. Chiba svabodna razmaŭlaje na ispanskaj, arabskaj, anhlijskaj, francuzskaj i italjanskaj movach.
Para źjaviłasia na vokładcy arabskaha Vogue sioleta ŭ kastryčniku. The Sun paviedamlaje, što Ašraf Chakimi pachodzić ź biednaj siamji, jaho maci była prybiralščycaj, a baćka vuličnym handlarom, jany emihravali z Maroka ŭ Madryd u pošukach lepšaha žyćcia.
Fota: Vogue Arabia
«My z małazabiaśpiečanaj siamji, jakaja ŭvieś čas namahałasia źvieści kancy z kancami. Maja maci prybirała damy, a baćka handlavaŭ roznymi rečami na vulicy. Jany admovilisia ad svajho žyćcia dziela mianie. Maim bratam i siostram taksama davodziłasia šmat čym achviaravać — usio dla taho, kab ja dasiahnuŭ pośpiechu. U kožnym matčy ja hulaju dziela ich», — paŭtaraje Chakimi ŭ intervju.
Chakimi było siem hadoŭ, kali jaho adabrali ŭ akademiju «Reał Madryd».
U madrydskim kłubie spravy nie pajšli: Chakimi daros da asnoŭnaj kamandy, ale tak i nie zmoh tam zamacavacca.
Fota: sacsietki
U vyniku tolki 17 źjaŭleńniaŭ na poli za siezon 2017/18, u jakim choć i vyjhraŭ ŁČ, ale ŭ cełym apynuŭsia ŭ davoli turbulentnaj atmaśfiery kanca pieršaj kadencyi Ziniedzina Zidana, piša Tribuna.com.
Dzieści tady jon vybiraŭ pamiž zbornymi — bo mieŭ prava vystupać jak za Ispaniju, dzie naradziŭsia i vyras, tak i za Maroka, adkul rodam jaho baćki. Jak pryznajecca, doŭha nie vahaŭsia: da histaryčnaj radzimy ciahnuła macniej: «Tak, byli momanty ŭ časy junactva. Byli kantakty, ja taksama pajšoŭ u zbornuju Ispanii, kab pasprabavać, z De la Fuente (vychavaniec «Barsiełony», jaki ŭrešcie vybraŭ zbornuju ZŠA). Ja byŭ u Łas-Rasasie (haradok, dzie znachodzicca baza zbornych — zaŭv. NN.) niekalki dzion i ŭbačyŭ, što hetaje miesca nie dla mianie, ja pačuvaŭsia jak doma. Heta było nie z-za čahości kankretnaha, a praz toje, što ja nie adčuvaŭ tam taho, što ŭvabraŭ u siabie doma — arabskuju kulturu, adčuvańnie siabie marakancam. Ja chacieŭ być tut».
U 18 hadoŭ Chakimi padpisaŭ dvuchhadovuju damovu z «Barusijaj Dortmund». U svoj ciapierašni kłub «PSJ» trapiŭ za 60 miljonaŭ funtaŭ sterlinhaŭ ź miłanskaha «Intera».
U červieni 2018-ha futbalist ažaniŭsia z kachanaj, jakaja starejšaja za jaho na 12 hadoŭ. Ličby paru nie biantežać — aktrysa nazyvaje Chakimi «mužčynam usiaho jaje žyćcia». Praz dva hady paśla viasiella ŭ pary naradziŭsia syn Amin. Sioleta ŭ sužencaŭ naradziŭsia jašče adzin syn, Naim.
Fota: sacyjalnyja sietki
niu. a nie takoje, jak na fota)