Alimpijski i Paralimpijski kamitet ZŠA (USOPC) padtrymlivaje ideju dapuścić rasijskich i biełaruskich spartsmienaŭ da ŭdziełu ŭ Alimpijadzie 2024 hoda ŭ Paryžy, kali jany nie buduć vystupać pad nacyjanalnymi ściahami svaich krain. Pra heta kiraŭnik USOPC Siuzana Łajons zajaviła The Wall Street Journal.
Vydańnie adznačaje źmienu pazicyj USOPC, a taksama Mižnarodnaha alimpijskaha kamiteta. Raniej USOPC krytykavaŭ rasijskich spartsmienaŭ, jakija ŭdzielničajuć u spabornictvach paśla dopinhavych skandałaŭ, a MAK zaklikaŭ spartyŭnyja fiederacyi pa ŭsim śviecie adchilać pradstaŭnikoŭ RF i Biełarusi ad spabornictvaŭ z-za vajny va Ukrainie.
Na minułym tydni kiraŭnik MAK Tomas Bach zajaviŭ, što choča, kab rasijskija i biełaruskija spartoŭcy mahli ŭdzielničać u hulniach u Paryžy, navat kali vajna va Ukrainie praciahniecca.
U svaju čarhu Łajons adznačyła, što źmianieńnie pazicyi važnaje dla zachavańnia alimpijskich ideałaŭ i alimpijskaha ruchu. Pry hetym kiraŭnik USOPC adznačyła, što arhanizacyja pa-raniejšamu padtrymlivaje Ukrainu.
