Jon adkazaŭ, što na jaho dumku, heta rašeńnie Zachadu.
«Navat na takich hrandyjoznych razłomach, ź jakimi my majem spravu, jość zony klučavych intaresaŭ usioj suśvietnaj supolnaści, jakija padčas vajny nie čapajuć. Navat padčas takoj vajny. I voś zabieśpiačeńnie zbožžam vielizarnaj kolkaści ludziej u Afrycy, na Blizkim Uschodzie akazałasia adnym z takich intaresaŭ», — adkazaŭ jon.
Pavodle jaho, niezdarma pieršaj «razumnaj» ździełkaj paśla pačatku hetaj vajny było zbožžavaje pahadnieńnie.
Na dumku Arastoviča, Łukašenka sprabuje damovicca z Zachadam.
«Dzie bolš za ŭsio pijaru, krykaŭ, tam bolš za ŭsio prablem. Łukašenka tak šmat havoryć — i pra toje, što NATA źbirałasia napaści, i pra jadziernuju zbroju, i pra rasijska-biełaruskaje vojska jak sajuznuju siłu… Kožny raz, kali jon heta kaža, ja razumieju, što idzie paŭnočnakarejski varyjant: tyja pravodziać rakietnyja jadziernyja vyprabavańni roŭna ŭ toj momant, kali zakančvajucca rys i bulba, kab narod nakarmić. Toje ž samaje ź Biełaruśsiu. Ja naŭprost baču, jak tolki jon [Łukašenka] čarhovy raz hučna kryčyć, heta aznačaje, što dzieści biełaruskija emisary ciapier pra niešta damaŭlajucca z Zachadam», — skazaŭ Arastovič.
10 śniežnia AAN zajaviła, što Biełaruś pahadziłasia na tranzit ukrainskaha zbožža «biez papiarednich umoŭ». U toj ža čas Biełaruś paŭtaryła prośbu mieć mahčymaść ekspartavać ułasnyja ŭhnajeńni, jakija ciapier padpadajuć pad sankcyi.
Prezident Litvy Hitanas Naŭsieda nazvaŭ prapanovu Biełarusi pieravozić ukrainskaje zbožža pastkaj.
