U śpisie čatyry mitrapality: Zaparožski i Mielitopalski Łuka (Andrej Kavalenka), Łuhanski i Ałčeŭski Pancielajmon (Vasil Pavaraźniuk), Baryspalski i Bravarski Antonij (Ivan Pakanič), Čarnaviecki i Bukavinski Mialecij (Valancin Jaharenka) — archijepiskap Kanstancinaŭski Paisij (Viktar Šynkaroŭ), nastajaciel Śviata-Uśpienskaha kafiedralnaha sabora ŭ Chiersonie Alaksandr Fiodaraŭ i nastajaciel mielitopalskaha Śviata-Savinskaha mužčynskaha manastyra Alaksandr Prakapienka.
«My robim usio dla taho, kab dziaržava-ahresar nie mieła nivodnaj nitački, za jakuju jana mahło b tuzać ukrainskaje hramadstva», — prakamientavaŭ Zialenski rašeńnie Rady nacbiaśpieki i abarony.
U pačatku śniežnia prezident Uładzimir Zialenski zajaviŭ pra «duchoŭnuju niezaležnaść» Ukrainy i paabiacaŭ zabaranić dziejnaść relihijnych arhanizacyj, źviazanych z Maskvoj.
U hetym hodzie Ukrainskaja Pravasłaŭnaja Carkva abviaściła ab razryvie z Maskoŭskim Patryjarchatam, ale jaho ŭpłyŭ na UPC usio roŭna zachoŭvajecca.
UPC (Maskoŭskaha patryjarchatu) — druhaja pa kolkaści pravasłaŭnaja carkva va Ukrainie ź miljonami viernikaŭ i dziasiatkami tysiač kultavych zbudavańniaŭ.
