Mnohija ciapier śpiašajucca zakupicca mandarynami, bo ich siezon u samym razhary. Ich pradajuć u siarednim pa 4 rubli za kiło. Apielsiny i limony addajuć ad 4,5 rubla.
Krop i piatrušku prapanujuć pa 1,2 rubla, zialonaja cybula kaštuje 1,5, a špinat, kinza i ščaŭje — pa 2 rubli. Za 100 h sałaty «ajśbierh» prosiać 80 kapiejek. Rukału možna znajści za 3 rubli. Hurmany mohuć siabie papieścić razmarynam, čaboram i tarchunam ad 7 rubloŭ za kožnuju pazicyju. Daražej abydziecca bazilik — 7,5 rubla, a pučok miaty kaštuje 4,5 rubla.
Jość asartymient i dla amataraŭ ekzotyki. Avakada pradajuć u siarednim pa piać rubloŭ, nievialikija płady — pa 2,5 rubla. Hranaty prapanujuć u siarednim za 4,5 rubla, jak i ajvu. Kiłahram sakavitych ananasaŭ kaštuje kala 13 rubloŭ, manha možna znajści za 25 rubloŭ, drahan frukt (pitaju) — 5 rubloŭ za štuku. Kali nikoli jaho nie sprabavali, pradaŭcy pačastujuć. Smak pakupniki paraŭnali sa smakam inžyru i kivi.
Jość na Kamaroŭcy ŭ prodažy i letnija jahady. Truskałki pradajuć u siarednim pa 45 rubloŭ za kiło, 200 h malin možna kupić za 25 rubloŭ, a kiłahram čarešni — za 200. Bujnyja jahady bujakoŭ za 45 rubloŭ taksama čakajuć svajho pakupnika.
Kłasičny aharodninny nabor z nadychodam zimy sabrać stała bolš składana i doraha. Pradaŭcy adpuskajuć ahurki ŭ siarednim za 8 rubloŭ, tamaty ad 3 rubloŭ, a maleńkija čery — za 10. Pamidor «čorny prync» lažyć na pryłaŭku za 6 rubloŭ. Bałharski pierac budzie vašym u siarednim za 5 rubloŭ, udałosia znajści i za 2. Radyska kaštuje kala 5 rubloŭ, kabačok — ad 6. Biełaruskija jabłyki pradajuć pa 2 rubli, vinahrad — za 3,5, hrušu «kanfierencyju» — ad 3 rubloŭ.
