Na adnoj z płoščaŭ ispanskaha horada Alikante z 2019 hoda stajać samyja vialikija ŭ śviecie kaladnyja jaśli pad nazvaju «Hihanckaja Batlejka».
Jany pradstaŭlajuć fihury Śviatoj Siamji. Fihura Dziciatki Jezusa maje pamier bolš za 3 mietry, fihura Maryi — 10 mietraŭ, a fihura śviatoha Juzafa dasiahaje 17-i mietraŭ u vyšyniu.
Hetuju aryhinalnuju batlejku stvaryŭ Chase Manuel Harsija Eskiva, miascovy mastak, jaki vykanaŭ fihury sa štučnych materyjałaŭ i mietału.
U 2019 hodzie hetaja batlejka trapiła ŭ Knihu rekordaŭ Hinesa, i z taho času dasiahnieńnie nikim jašče nie było pieraŭzydziena.
Sioleta da Śviatoj Siamji dadalisia Try Karali. Samy vialiki ź ich, Bałtazar, maje vyšyniu bolš za 16 mietraŭ, Kaspar trochi nižejšy za jaho, a vyšynia Mielchijora składaje 11 mietraŭ.
Akramia taho, u batlejku ŭvachodziać taksama šeść fihur aniołaŭ, raźmieščanyja ŭ roznych miescach horada. Dva ź ich majuć 8 mietraŭ u vyšyniu, astatnija — amal pa 9 mietraŭ.
