Fota: Lucas Lenzi / Unsplash
Kali čałaviek prymaje rašeńnie zrabić tatuiroŭku, časta jon dumaje, što heta nazaŭsiody, što vybranaja ideja i vyjava zastaniecca ź im nazaŭždy i nikoli nie pierastanie być aktualnaj. Ale kali časam prychodzić pieraasensavańnie «niaźmiennaści» vybaru tatu — niezaležna ad taho, zroblena jana asensavana, ci ŭ impulsiŭnym stanie lubovi, ci ŭ inšym źmienienym stanie śviadomaści — tady na dapamohu prychodzić navuka łaziernaha vydaleńnia tatuiroŭki.
Popular Mechanics piša pra asnoŭnyja momanty, jakija treba viedać, pierš čym pryniać rašeńnie pajści pad pramień.
Jak pracuje łaziernaje vydaleńnie tatuiroŭki?
Asnoŭny mietad łaziernaha vydaleńnia tatuiroŭki zabiaśpiečvajecca nadzvyčaj karotkim impulsam łaziernaj enierhii. Naturalny ton skury pacyjenta, pihmient tatuiroŭki, abrany łazier i mietad jaho pracy — usio heta ŭpłyvaje na toje, jak praces uzajemadziejničaje z čarniłam.
Łaziernaja enierhija Q-switched łaziera, jaki zvyčajna vykarystoŭvajecca dla vydaleńnia, nahravaje pihmienty tatuiroŭki ŭ hieamietryčnaj prahresii, časam dasiahajučy 300 °C. Heta pryvodzić da razbureńnia čaścic pihmientu i vyzvaleńnia pihmientu tatuiroŭki z kletak skury. Taki ž pryncyp pracy i ŭ bolš novaha pikasiekundnaha łaziera. Takim čynam enierhija łaziernaha śviatła pieratvarajecca ŭ ciapło ŭ čarnile, i hetaja reakcyja litaralna ŭzryvaje pihmient i prymušaje jaho źnikać.
Narmalnaja imunnaja sistema čałavieka zvyčajna vydalaje pabočnyja čaścicy sa skury, ale aryhinalnyja čaścicy čarniła dla tatuiroŭki zanadta vialikija. Ale ž vykarystańnie łaziera raźbivaje hetyja čaścicy na bolš drobnyja častki. Łaziery mohuć chutka nahravać kletki, jakija źmiaščajuć pihmient, karotkimi impulsami, kab razarvać ich i adpravić frahmienty ŭ cieła dla drenažu.
Kudy dziajecca ŭsio hetaje čarniła? Častka pihmientu tatuiroŭki vymyvajecca naturalnaj limfatyčnaj sistemaj arhanizma, a častka vydzialajecca ŭ pracesie hajeńnia pavierchni skury paśla apracoŭki.
Kali łaziernaje vydaleńnie tatuiroŭki najbolš efiektyŭnaje?
Naniasieńnie bolš ciomnych pihmientaŭ (naprykład, čornaha i siniaha) na śvietłuju skuru daje lepšy šaniec dla poŭnaha vydaleńnia tatuiroŭki. Inšyja faktary, jakija palahčajuć vydaleńnie tatuirovak, — kali tatuiroŭki staryja i kali ich robiać amatary, a nie prafiesijnyja tatu-sałony. Staryja tatuiroŭki lahčej vydalić, tamu što cieła ŭžo raskłała častku čarniła. Mnohija (ale nie ŭsie) łaziernyja sistemy mohuć vydalać dadatkovyja kolery, takija jak čyrvony, žoŭty, aranžavy i zialony, źmianiajučy daŭžyniu chvali łaziera.
Kaśmietyčnyja tatuiroŭki, takija jak, naprykład, padvodka dla vusnaŭ, ciažka vydalić z dapamohaj łaziera z-za najaŭnaści aksidu žaleza abo dyjaksidu tytanu. Z-za chimičnaj reakcyi takoje čarniła časta ciamnieje pry vykarystańni łaziera. U hetych vypadkach najlepšym padychodam źjaŭlajucca mikraihołki abo vuhlekisłotny łazier.
Nakolki balučaje łaziernaje vydaleńnie tatuiroŭki?
Daktary kažuć, što praces najbolš efiektyŭny i najmienš balučy, kali pacyjent adčuvaje siabie kamfortna, tamu pacyjentam časta robiać injekcyi lidakainu ŭ skuru. Niekatoryja ludzi kažuć, što dyskamfort nahadvaje pieršapačatkovaje naniasieńnie tatuiroŭki. Praces taksama apisvajecca jak niešta padobnaje da taho, jak ciažkaja humovaja stužka nieadnarazova pryciskajecca da skury.
Čaho čakać da i paśla łaziernaha vydaleńnia tatuiroŭki
Kali čarniła dla tatuiroŭki apuściłasia nižej za vierchni płast skury, dermatołahu treba zrazumieć najlepšyja varyjanty vydaleńnia. Kansultacyja nie tolki dapamoža vam i dermatołahu vyznačyć, jakija pryłady i materyjały spatrebiacca. Pieršapačatkova śpiecyjalist moža navat pratestavać łaziery na vašaj skury. Pry hetym vam spatrebiacca achoŭnyja akulary.
Paśla lekavańnia na skury moža źjavicca aciok, puchiry abo kryvaciok. Vobłaść moža być navat adkrytaj ranaj, i jaje treba lačyć mienavita jak adkrytuju ranu. I čakać viartańnia. Časta dla poŭnaha vydaleńnia tatuiroŭki — kali poŭnaje vydaleńnie mahčymaje — patrabujecca niekalki naviedvańniaŭ. Čym bolš tatu, tym bolš nieabchodna apracovak. Mnohija tatuiroŭki patrabujuć ad piaci da dziesiaci pracedur, jak praviła, ź intervałam ad šaści da vaśmi tydniaŭ.
Niekatoryja tatuiroŭki niemahčyma całkam vydalić, pakolki čarniła moža zanadta hłyboka trapić u skuru abo koler farby moža drenna reahavać na ŭździejańnie łaziera.
Jakija pośpiechi byli dasiahnutyja ŭ łaziernym vydaleńni tatuirovak?
Navuka ab łaziernym vydaleńni tatuirovak prasunułasia dalej, čym prosta roznyja daŭžyni chval, z metaj nacelicca na roznyja kolery. Dermatołahi ŭžo pačynajuć vykarystoŭvać pikasiekundnyja łaziery dla padačy łaziernaj enierhii ź mienšaj praciahłaściu impulsu; typovyja Q-switched łaziery zabiaśpiečvajuć enierhiju ciaham nanasiekundy, ale pikasiekundny varyjant moža stvarać bolš drobnyja čaścicy pihmienta, jakija praściej buduć vyvodzicca arhanizmam sa skury.
Dadańnie mietadaŭ lačeńnia akustyčnymi chvalami moža być dadatkam da łaziernaj terapii, bo hukavyja chvali dapamahajuć intensiŭnaj vibracyi pihmientu tatuiroŭki i mohuć spryjać bolšamu razbureńniu i vyzvaleńniu pihmientu padčas sieansa.
Ci biaśpiečnaje łaziernaje vydaleńnie tatuiroŭki?
Amierykanskaja akademija dermatałohii vieryć u biaśpieku łaziernaha vydaleńnia tatuirovak. «Bolšaść ludziej mohuć biaśpiečna vydalać tatuiroŭki łazieram», — piša asacyjacyja na svajoj staroncy časta zadavanych pytańniaŭ, tolki ź niekalkimi vyklučeńniami. Tam adznačajuć, što łaziery ŭ značnaj stupieni zamianili inšyja mietady vydaleńnia tatuirovak, dziakujučy efiektyŭnaści vydaleńnia čarniła ź mienšaj kolkaściu pracedur i zdolnaści apracoŭvać tyja kolery čarniła, jakija kaliści było ciažka vydalić.
