Rachim Sterlinh. Fota: Abbie Parr / AP
Futbalist adpraviŭsia ŭ Vialikabrytaniju pierad matčam 1/8 finału suprać Sieniehała (3:0). U pres-słužbie zbornaj nie stali ŭdakładniać pryčynu, adznačyŭšy tolki, što Sterlinh prapuściŭ hulniu pa siamiejnych abstavinach, paviedamiŭ The Telegraph.
Hałoŭny trenier nacyjanalnaj kamandy Haret Saŭthiejt paćvierdziŭ, što forvard viarnuŭsia ŭ Anhliju. «Jon pajechaŭ dadomu. Na ciapierašni momant vidavočna, što pryjarytet dla jaho — być sa svajoj siamjoj, — adznačyŭ Saŭthiejt. — My padtrymlivajem jaho rašeńnie i damo jamu stolki času, kolki spatrebicca».
«Viadoma, takija adjezdy nie najlepšym čynam adbivajucca pierad važnaj hulnioj, ale ŭ takija momanty futboł adychodzić na druhi płan. Jamu treba pabyć sa svajoj siamjoj. I ja nie chaču akazvać na jaho jaki-niebudź cisk, — dadaŭ trenier. — Časam futboł — nie samaje hałoŭnaje, i siamja pavinna być na pieršym miescy».
Rabavańnie adbyłosia ŭ subotu ŭviečary, kali dzieci i siabroŭka Sterlinha znachodzilisia doma. The Sun sa spasyłkaj na nabližanych da siamji futbalista paviedamiŭ, što nieviadomyja skrali hadzińniki na sumu kala 300 tys. funtaŭ sterlinhaŭ.
Sterlinh pravioŭ na čempijanacie śvietu dva matčy, u jakich vyjšaŭ na pole ŭ startavych sastavach, adznačyŭsia hołam i pieradačaj.
