Fota: «Vajar»
Jak paviedamlaje pres-słužba Minabarony Biełarusi, ministr abarony Respubliki Biełaruś, hienierał-lejtenant Viktar Chrenin i ministr abarony Rasijskaj Fiederacyi, hienierał armii Siarhiej Šajhu abmierkavali aktualnyja pytańni dvuchbakovaha vajennaha i vajenna-techničnaha supracoŭnictva.
Taksama jany padpisali pratakoł pamiž Respublikaj Biełaruś i Rasijskaj Fiederacyjaj ab uniasieńni źmienaŭ u Pahadnieńnie pamiž Respublikaj Biełaruś i Rasijskaj Fiederacyjaj ab sumiesnym zabieśpiačeńni rehijanalnaj biaśpieki ŭ vajennaj śfiery ad 19 śniežnia 1997 hoda.
Sens hetych źmienaŭ nie paviedamlajecca.
«Biełaruski Hajun» piša, što padpisańnie dakumientaŭ adbyłosia nie ŭ budynku Ministerstva abarony abo inšaha viedamstva, a prosta na aeradromie ŭ Mačuliščach, vierahodna, u budynku kamandavańnia VPS i SPA US RB, što «vielmi nietypova i tolki padkreślivaje niejkuju śpiešku».
Adrazu paśla padpisańnia dakumientaŭ Šajhu z Chreninym nakiravalisia ŭ Pałac Niezaležnaści na sustreču z Łukašenkam.
