Adrazu ahavorymsia, što adzinaje, čym my možam karystacca, — adkrytyja bazy danych i standartnyja, paraŭnalna nieskładanyja mietady OSINT (pošuku infarmacyi pa adkrytych danych).
Našaj metaj było pravieryć, nakolki abaronienyja tyja, chto pisaŭ u ČKB i čyje danyja atrymaŭ ukaraniony ahient, jakaja stupień ryzyki dla ich.
Atrymanyja danyja akaŭntaŭ my nie raskryvajem, a raskazvajem tolki pra nazirańni, jakija daŭ ekśpierymient.
I što my vyjavili?
Adzin akaŭnt byŭ dobra abaronieny. Choć za im jość niejkaja historyja, sam jon byŭ stvorany ŭ 2020 hodzie, źmianiŭ niekalki niknejmaŭ i byŭ vydaleny, a pa čatach niemahčyma łakalizavać hetaha čałavieka.
Z astatnimi spravy horš. Ź dzieviaci čałaviek poŭnyja danyja tolki adnaho čałavieka nie ŭdałosia ŭstanavić adnaznačna, zatoje jość šmat inšych danych (horad pražyvańnia, miescy, dzie jon byvaje, i zacikaŭlenaści), pa jakich možna było b vyznačyć jaho ź imaviernaściu 100 %, kali b my vałodali mahčymaściami biełaruskich śpiecsłužbaŭ.
Pa astatnich udałosia znajści poŭnyja danyja niachitrymi sposabami, u niekatorych — ź miescami žycharstva i pracy.
Adzin čałaviek užo za kratami. Dva akaŭnty byli vydalenyja, ale my ŭstanavili ich uładalnikaŭ. Tolki dvoje z 10 čałaviek ciapier za miažoj — takuju vysnovu my zrabili pa ich dopisach u čatach i sacyjalnych sietkach.
Jakija našy vysnovy?
Adsutnaść chutkaj reakcyi ad byłoj administracyi «Čornaj knihi Biełarusi» i inšych uciahnutych u historyju asobaŭ paśla taho, jak stała jasna, što Hajko — supracoŭnik HUBAZiKa, pastaviła šmat ludziej u vielmi niebiaśpiečnaje stanovišča.
Raspaviadajem, jakija danyja z ČKB mahli trapić da siłavikoŭ, što rabić, kali vy tudy pisali, i jak harantavać biaśpieku, kali pišacie ŭ boty
Bolšaść tych, chto dasyłaŭ tudy infarmacyju, daviarali administracyi resursaŭ i byli nie hatovyja da taho, što ich danyja stanuć nabytkam śpiecsłužbaŭ, i nie abaranili svaje akaŭnty.
Što z hetym rabić, my ŭžo pisali ŭ našym artykule. Ale jašče raz nahadvajem hałoŭnyja praviły:
- Kali vy pisali ŭ bot «Čornaj knihi Biełarusi» ŭ pieryjad ź vieraśnia 2020 hoda pa lipień 2021 hoda i byli padpisanyja ŭłasnym imiem (proźviščam) abo niknejmam, naŭprost źviazanym z vami, to vas možna znajści ź imaviernaściu 100 %, navat kali vy vydalili akaŭnt.
- Kali vaš akaŭnt isnuje z taho času, i vy pisali ŭ bot, nie byli padpisanyja svaim imiem, ale źjaŭlajeciesia bolš-mienš aktyŭnym karystalnikam łakalnych čataŭ, to tearetyčnaja mahčymaść vas znajści zachoŭvajecca, i akaŭnt lepš pamianiać.
- Kali vy za miažoj, to vy ŭ biaśpiecy, ale viartańnie ŭ Biełaruś moža pahražać vam zatrymańniem, kali vy padpadajecie pad punkty 1 i 2.
- Akaŭnty ŭ telehramie, ź jakich vy pišacie ŭ boty, musiać być nijak nie źviazanymi z vašymi realnymi danymi. Kali vy pišacie ŭ botaŭ, to nie paviedamlajcie pra krynicy infarmacyi, jakuju vy padajacie. Jašče biaśpiečniej — prasić heta rabić vašych siabroŭ za miažoj i paśla adrazu vydalać infarmacyju (u tym liku fota, voś naš hajd).
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie jašče:
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Raspaviadajem, jak siłaviki znachodziać stvaralnikaŭ stykieraŭ u Telegram
Jak nadziejna vyčyścić foty z vašych smartfonaŭ — padrabiazny hajd
