IT-kampanii zvalniajuć ciapier mienš, navat niahledziačy na efiekty mabilizacyi ŭ Rasii. U kastryčniku ź IT-kampanij syšło bolš za 1,9 tysiačy śpiecyjalistaŭ — na 14% mienš, čym u vieraśni.
U toj ža čas kampanijam pakul nie ŭdałosia razmarozić najm. Za kastryčnik jany ŭziali na pracu bolš za 900 čałaviek. Heta minimum za apošnija 5 miesiacaŭ i na 54,5% mienš, čym za kastryčnik minułaha hoda. Tamu z ulikam nievysokaha (adnosna 2021) najmu adtok zapavolvajecca, ale ŭsio adno praciahvajecca.
Usiaho za 10 miesiacaŭ 2022 hoda kampanii naniali bolš za 11 000 śpiecyjalistaŭ, a zvolniłasia bolš za 25 000 (što až na 78% bolš, čym za taki ž pieryjad 2021-ha).
Takim čynam, čysty adtok za kastryčnik — krychu bolš za tysiaču supracoŭnikaŭ, za 10 miesiacaŭ — bolš za 14 tysiač.
Čytajcie taksama:
Jašče 20+ kampanij vyjšli z PVT i likvidujuć biznes
Namieśnik dyrektara PVT paśla sustrečy z Łukašenkam: Pierahortvajem staronku i pracujem na stvareńnie ekanamičnaj mocy
«Žonka miarkuje, što jechać nie varta». Ajcišniki, jakija zastajucca ŭ Biełarusi, raskazali, čamu nie źjechali
