Za ŭdzieł u złačynnych schiemach telefonnych machlaroŭ byli zatrymanyja siamiora staličnych kiroŭcaŭ taksi. Mužčyny atrymlivali zamovy na dastaŭku, zabirali ŭ pažyłych minčan pakiety z bujnymi sumami i pieravozili na inšyja adrasy. Dvaich fihurantaŭ zatrymali z dokazami złačynstva, astatnija paśpieli pieradać pasiarednikam bolš za $22 tys.
U MUS nastojliva rekamiendujuć kiroŭcam roznych słužbaŭ dastaŭki źviartać uvahu na źniešni vyhlad rečaŭ i emacyjny stan asob, jakija pieradajuć pasyłki. Čaściej za ŭsio telefonnyja afierysty prosiać razam z hrašyma pieradać ručniki, praściny abo pradmiety hihijeny.
Što tyčycca pažyłych achviaraŭ złačynstva, jany vyhladajuć spałochanymi ci zapłakanymi. Pry ŭźniknieńni padazreńnia treba zastavacca na miescy i źviarnucca ŭ milicyju. Kurjery telefonnych afierystaŭ niasuć adnolkavuju kryminalnuju adkaznaść z arhanizatarami złačynstvaŭ.
