25.11.2022
/ 15:41 / Ałharytmičny łacinski varyjant
U lesapałasie pamiž Nacyjanalnaj biblijatekaj i Ściapiankaj źbirajucca budavać žyllo
Cikavyja naviny pryjšli ad «Minskbuda»: dziaržaŭny zabudoŭščyk źbirajecca vyjści na placoŭku ŭ rajonie vulicy Parnikovaj. Havorka idzie pra «kvadrat» u miežach vulic Padlesnaja − Parnikovaja − Dačny prajezd. Hetyja ziemli znachodziacca pamiž elitnymi kvartałami na Jaźminavaj (rajon Nacbiblijateki) i Ściapiankaj. Ciapier uvieś hety ŭčastak ujaŭlaje saboj les. Ab prajekcie raspaviała hazieta «Na budoŭlach Minska», na publikacyju źviarnuŭ uvahu Realt.by.
Tak, siarod płanaŭ zabudoŭščyka na nastupny hod značycca prajekt pad nazvaj «Utulny». Paviedamlajecca, što heta budzie kambinavanaja zabudova, jakaja składajecca sa šmatkvaternych žyłych damoŭ, damoŭ siadzibnaha typu i taŭnchausaŭ. Tut majuć namier stvaryć tak zvany zialony kvartał.
Taksama arhanizacyja abiacaje ŭ 2023 hodzie ŭziacca za ŭźviadzieńnie «nie majučaha pa architektury anałahaŭ u horadzie Minsku žyłoha kompleksu na vulicy Cichaj».
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH