Jak paviedamlaje viedamstva, dvuchbakovaje pahadnieńnie, padpisanaje ŭ 1993 hodzie, praduhledžvała supracoŭnictva ŭ kiravańni ministerstvami. Pa słovach ministra ŭnutranych spraŭ Ahnie Biłatajcie, praktyčnaj realizacyi pahadnieńnia nie było z času «niespraviadlivych prezidenckich vybaraŭ» u Biełarusi ŭ 2020 hodzie.
«Litva nie bačyć mahčymaściaŭ dla supracoŭnictva z varožymi režymami. Biełaruś, budučy najbližejšym sajuźnikam kramloŭskaha režymu, praciahvajučy hibrydnuju ataku suprać Litvy i — rukami svaich čynoŭnikaŭ — vyciaśnieńnie nielehalnych mihrantaŭ u našu krainu, nie moža i nie budzie partnioram Litvy ni va ŭnutranych spravach, ni ŭ inšych śfierach», — pra heta havorycca ŭ paviedamleńni Biłatajcie.
Ministerstva taksama prainfarmavała, što z pačatku adnaŭleńnia niezaležnaści Litva padpisała roznyja dvuchbakovyja pahadnieńni ź Biełaruśsiu ab supracoŭnictvie ŭ adpaviednych halinach kiravańnia Ministerstva ŭnutranych spraŭ, skasavańnie jakich patrabuje rašeńnia ŭrada, a taksama šerah mižviedamasnych pahadnieńniaŭ. Na dany momant Litva taksama prypyniła vykanańnie prahram pryhraničnaha supracoŭnictva ź Biełaruśsiu i Rasijaj, što finansujucca Jeŭrapiejskaj kamisijaj.
