Čakajecca, što Łondan daść 3 młn funtaŭ na dapamohu ŭ adnaŭleńni žyćciova važnaj infrastruktury Ukrainy i jašče 5 młn — na ŭznačalenuju Kijevam inicyjatyvu pa dastaŭcy zbožža ŭ krainy, jakim pahražaje hoład.
«Vialikabrytanija staić plačom da plača z Ukrainaj, — havorycca ŭ zajavie Klevierli. — Ja na svaje vočy bačyŭ, jak namahańni Brytanii dapamahajuć advažnym hramadzianam Ukrainy supraciŭlacca i adnaŭlać krainu. Naša padtrymka budzie praciahvacca stolki, kolki spatrebicca dla adnaŭleńnia hetaj vydatnaj krainy».
Padčas pajezdki kiraŭnik Foryn-ofisa sustreniecca z prezidentam Ukrainy Uładzimiram Zialenskim i ministram zamiežnych spraŭ Dźmitryjem Kulebaj.
Klevierli adpraviŭsia ŭ Kijeŭ nieŭzabavie paśla vizitu va Ukrainu premjer-ministra Brytanii Ryšy Sunaka. U chodzie pajezdki jon paabiacaŭ praciahvać padtrymku Kijeva, jakuju jaho papiaredniki na pasadzie akazvali z pačatku vajny.
