Arhanizacyja, jakaja bazujecca ŭ Haazie, stvoranaja paśla Bałkanskich vojnaŭ, u lipieni adkryła ofis u Kijevie, kab dapamahčy Ukrainie ŭ dakumientavańni i vyšuku źnikłych bieź viestak ludziej.
Dyrektar ICMP pa Jeŭropie Mećju Cholidej zajaviŭ, što pakul niezrazumieła, kolki ludziej byli hvałtoŭna pieramieščanyja, utrymlivajucca pad vartaj u Rasii, žyvyja i razłučanyja sa svaimi siemjami ci pamierli i byli pachavanyja ŭ impravizavanych mahiłach.
Praces pošuku źnikłych bieź viestak va Ukrainie budzie doŭžycca hadami navat paśla spynieńnia bajavych dziejańniaŭ, skazaŭ Cholidej u intervju ahienctvu Reuters.
Acenka ŭ 15 tysiač čałaviek źjaŭlajecca kansiervatyŭnaj, kali ŭličyć, što tolki ŭ Maryupali, pa mierkavańni ŭładaŭ, da 25 tysiač čałaviek albo zahinuli, albo prapali bieź viestak.
«Ličby vielizarnyja, i prablemy, ź jakimi sutykajecca Ukraina, vielizarnyja. Ciapier hałoŭnaje — pryniać usie nieabchodnyja miery dla taho, kab jak maha bolš ludziej było identyfikavana», — skazaŭ Cholidej.
«Pieravažnaja bolšaść źnikłych bieź viestak i zahinułych źjaŭlajucca achviarami vajennych złačynstvaŭ, i vinavatyja pavinny być pryciahnutyja da adkaznaści», — dadaŭ jon.
