Vałanciorka Karyna Paciomkina atrymała dazvoł na žycharstva va Ukrainie
Biełaruskaja vałanciorka Karyna Paciomkina narešcie atrymała časovy vid na žycharstva va Ukrainie. Pra heta jana napisała ŭ fejsbuku. Ź leta joj pahražała departacyja (u lipieni mihracyjnaja słužba navat pastaviła ŭ jaje pašpart štamp ab vydvareńni z Ukrainy).
Paciomkina paśla zadušeńnia pratestaŭ 2020-ha ŭ Biełarusi źjechała va Ukrainu, žyła ŭ ciapier sumnaviadomaj Bučy pad Kijevam.
Za dapamohu ŭkraincam dziaŭčyna maje padziaku ad miascovych uładaŭ, adnak paśla mieła prablemu ź lehalizacyjaj va Ukrainie. Ciapier jaje ŭdałosia vyrašyć.