Samyja tannyja varyjanty
Zimy ŭ nas časam byvajuć amal bieź śniehu, tamu śniehachod daloka nie samy papularny vid transpartu. Ale ŭ prodažy jość. Tak, naprykład, pa stanie na siaredzinu listapada pradajecca bolš za 30 śniehachodaŭ. Vybirać možna jak z novych, tak i z patrymanych.
Samy tanny sa śniehachodaŭ dla darosłych pradajecca za 1800 dalaraŭ. Stolki prosiać za Irbis Dingo T125. Niahledziačy na toje, što technicy chutka spoŭnicca dziesiać hadoŭ, zajaŭleny prabieh składaje ŭsiaho 102 km.
Fota: av.by
Pradaviec adznačaje, što taki transpart idealna pasuje dla zimovaj rybałki. Znachodzicca jon u Salihorsku.
Za 2300 dalaraŭ u Hrodnie možna nabyć spartovy śniehachod Polaris Indy super sport z ruchavikom abjomam 550 sm³. Zajaŭleny prabieh — 9000 kiłamietraŭ. Abjava raźmieščana sa śniežnia 2021 hoda.
Fota: skrynšot z sajta av.by
Ceny na samyja dasiažnyja novyja motasani startujuć z adznaki ŭ 3000 dalaraŭ. Ale novymi ich nazvać možna tolki z naciažkaj. Choć jany i nie majuć prabiehu, vypuščanyja byli ŭ 2018 hodzie.
Fota: skrynšot z sajta av.by
Adnak nielha vyklučać, što kiepska pradajucca mienavita tannyja śniehachody. Bo jość pradaŭcy, jakija pryvozić takuju techniku ź Jeŭropy i ZŠA.
Adzin z takich śniehachodaŭ pradajuć u Minsku pa canie 5600 dalaraŭ. Stolki prosiać za Ski-Doo GSX Sport 2006 hoda vypusku z prabieham amal 7 tysiač kiłamietraŭ.
Fota: skrynšot z sajta av.by
U apisańni pradaviec paznačyŭ, što śniehachod razmytnieny i nie maje prabiehu pa Biełarusi.
Śniehachod pa canie kvatery
Inšy śniehachod z adznakaj biez prabiehu pa Biełarusi pradajuć u Hrodnie. Kaštuje jon 32 700 dalaraŭ. Stolki prosiać za amal novy Bombardier Adventure Lynx z ruchavikom abjomam 900 sm³. Hod vypusku 2020.
Fota: av.by
«Vydatny śniehachod! Zaviezieny ź Jeŭropy. Prabieh usiaho tolki 800 km», — apisvaje svoj tavar pradaviec. Taksama jon adznačaje, što za dadatkovuju płatu moža pryvieźci jaho ŭ Rasiju.
Fota: skrynšot z sajta av.by
I heta jašče nie samy darahi śniehachod z vystaŭlenych na prodaž.
Najdaražejšy ź ich pradajecca ŭ Stolinie. Za Bombardier Expedition 2021 hoda vypusku z prabieham 400 km i ruchavikom abjomam 1,2 litra prosiać 38 tysiač dalaraŭ.
Fota: skrynšot z sajta av.by
Kvadracykły dla dziaciej i darosłych
Kali śniehachody dla Biełarusi reč usio ž taki davoli redkaja, to kvadracykły źjaŭlajucca adnosna papularnaj technikaj. Pa ŭsioj krainie pradajecca bolš za 500 adzinak takoj techniki. Niemałaja častka ź ich — dziciačyja.
Ceny na dziciačyja «kvadryki» startujuć z adznaki ŭ 605 dalaraŭ. Stolki kaštuje novy kvadracykł kitajskaj vytvorčaści z ruchavikom 49 sm³. Pradaŭcy takoj techniki paznačajuć, što transpart pryznačany dla dziaciej ad troch hod.
Fota: skrynšot z sajta av.by
Dziciačyja kvadracykły na elektraciazie pradajuć pa cenach ad 800 dalaraŭ. Maksimalnaja chutkaść dziciačaha elektrakvadracykła składaje 25 km/h. Taki kvadracykł moža vytrymać čałavieka vahoj da 60 kiłahram.
Fota: skrynšot z sajta av.by
Kvadracykły dla dziaciej va ŭzrostie ad 10 hadoŭ kaštujuć u rajonie 1000 dalaraŭ.
Samyja tannyja «kvadryki» dla darosłych pradajuć pa cenach ad 1150 dalaraŭ, ale heta ceny na patrymanyja varyjanty.
Kvadracykł za 1150$. Fota: av.by
Adzin z takich pradajuć u Babrujsku. Stolki prosiać za kitajski kvadracykł Hors 35 ATV 2016 hoda vypusku. Abjom ruchavika 125 sm³. Maksimalnaja chutkaść — 60 km/h. Technika hatova vytrymać kiroŭcu vahoj da 150 kh, paznačana ŭ apisańni.
Samy ž darahi kvadracykł, z vystaŭlenych na prodaž u Biełarusi, kaštuje 33 000 dalaraŭ. Stolki prosiać za novy BRP Renegade XMR 1000R.
Kvadracykł za 33 000$. Fota: av.by
Kvadracykł maje poŭny pryvad, abjom ruchavika 1 litr. Znachodzicca jon u Oršy. Pradaviec adznačaje, što technika razmytniena i aficyjna ŭvieziena ŭ Biełaruś ź Jeŭropy. Mahčymy nievialiki torh.
Fota: skrynšot z sajta av.by
Čytajcie taksama:
Kulturnyja susiedzi i dyvan na ścianie. Kolki kaštujuć i jak vyhladajuć samyja tannyja kvatery ŭ stalicy?
